ಅಮೆಝಾನ್‌-ಬಿಓಬಿ ಟೈಅಪ್‌: ಮಾರಾಟಗಾರರಿಗೆ ಮೈಕ್ರೋ ಲೋನ್‌

ಮುಂಬಯಿ : ಇ-ಕಾಮರ್ಸ್‌ ರಂಗದ ದಿಗ್ಗಜ ಎನಿಸಿರುವ ಅಮೆಝಾನ್‌ ಸಂಸ್ಥೆ ತನ್ನ ಮಾರಾಟಗಾರರಿಗೆ ಮೈಕ್ರೋ ಲೋನ್‌ ದೊರಕಿಸಿಕೊಡುವ ಸಲುವಾಗಿ ಬ್ಯಾಂಕ್‌ ಆಫ್ ಬರೋಡ ಜತೆಗೆ ಟೈಅಪ್‌ ಮಾಡಿಕೊಂಡಿರುವುದಾಗಿ ಹೇಳಿದೆ.

ಮಾರುಕಟ್ಟೆ ಮಾರಾಟಗಾರರಿಗೆ ಆಹ್ವಾನದ ನೆಲೆಯಲ್ಲಿ ಮಾತ್ರವೇ ಮೈಕ್ರೋ ಲೋನ್‌ ಕೊಡಲಾಗುವುದು. ಅಮೆಝಾನ್‌ ಈ ವರ್ಷ ಜುಲೈ ತಿಂಗಳಲ್ಲೇ ಈ ಕಾರ್ಯಕ್ರಮವನ್ನು ಬ್ಯಾಂಕ್‌ ಬರೋಡ ಜತೆಗೆ ರೂಪಿಸಿತ್ತು.

ಅಮೆಝಾನ್‌ ಮಾರುಕಟ್ಟೆ ಮಾರಾಟಗಾರರಿಗೆ ವಾರ್ಷಿಕ ಶೇ. 10.45ರಿಂದ ಶೇ.11.5ರ ವರೆಗಿನ ಬಡ್ಡಿದರದಲ್ಲಿ ಒಂದು ಲಕ್ಷ ರೂ.ಗಳಿಂದ 25 ಲಕ್ಷ ರೂ.ಗಳ ವರೆಗೆ ಮೈಕ್ರೋ ಸಾಲ ಸಿಗಲಿದೆ.