ಪುರಾಣಪ್ರಸಿದ್ಧ ಅಮರನಾಥ ಯಾತ್ರೆಗೆ ನೋಂದಣಿ ಆರಂಭ : ಮೊದಲು ಬಂದವರಿಗೆ ಆದ್ಯತೆ

ಜಮ್ಮು: ವಿಶ್ವವಿಖ್ಯಾತ, ಪುರಾಣಪ್ರಸಿದ್ಧ ಅಮರನಾಥ ಯಾತ್ರೆಗೆ ಸೋಮವಾರದಿಂದ ದೇಶಾದ್ಯಂತ ನೋಂದಣಿ ಆರಂಭವಾಗಿದೆ. ಮೊದಲು ಬಂದವರಿಗೆ ಆದ್ಯತೆಯಡಿ ಈ ನೋಂದಣಿಯಿರುತ್ತದೆ.

ಯಾತ್ರಾರ್ಥಿಗಳು ಮೊದಲು ಒಂದು ಅರ್ಜಿ ಸಲ್ಲಿಸಬೇಕು, ಶ್ರೀ ಅಮರನಾಥ ಶೆùನ್‌ ಬೋರ್ಡ್‌ ಮಾನ್ಯ ಮಾಡಿರುವ ಆಸ್ಪತ್ರೆಗಳು ನೀಡಿರುವ ಆರೋಗ್ಯ ಪ್ರಮಾಣಪತ್ರವನ್ನು ಕಡ್ಡಾಯವಾಗಿ ಸಲ್ಲಿಸಬೇಕು. ವ್ಯಕ್ತಿಯ ನಾಲ್ಕು ಚಿತ್ರಗಳು, 120 ರೂ. ಶುಲ್ಕ ಪಾವತಿಸಬೇಕು. ಹಾಗೆಯೇ 13 ವರ್ಷದೊಳಗಿನ 75 ವರ್ಷ ಮೇಲ್ಪಟ್ಟ ವ್ಯಕ್ತಿಗಳಿಗೆ ಪ್ರವೇಶವಿಲ್ಲ.

6 ವಾರ ದಾಟಿದ ಗರ್ಭಿಣಿಯರಿಗೂ ಪ್ರವೇಶವನ್ನು ನಿಷೇಧಿಸಲಾಗಿದೆ. ಜೂ.30ರಿಂದ ಆ.11ರ ವರೆಗೆ ಒಟ್ಟು 43 ದಿನಗಳ ಕಾಲ ನಡೆಯುವ ಯಾತ್ರೆಯಲ್ಲಿ ಹಿಂದೆಂದಿಗಿಂತಲೂ ಗರಿಷ್ಠ ಯಾತ್ರಿಕರು ಪಾಲ್ಗೊಳ್ಳುವ ನಿರೀಕ್ಷೆಯಿದೆ. ಜಮ್ಮುಕಾಶ್ಮೀರದ ಆಡಳಿತದ ಪ್ರಕಾರ ದಕ್ಷಿಣ ಕಾಶ್ಮೀರದಲ್ಲಿರುವ ಅಮರನಾಥನ ಗುಹೆಗೆ 6ರಿಂದ 8 ಲಕ್ಷ ಮಂದಿ ಆಗಮಿಸಲಿದ್ದಾರೆ ಎಂದು ಕೇಂದ್ರ ವಾರ್ತಾ ಸಚಿವಾಲಯದ ಕಾರ್ಯದರ್ಶಿ ಅಪೂರ್ವ ಚಂದ್ರ ಹೇಳಿದ್ದಾರೆ.