ಜಮ್ಮು ಕಾಶ್ಮೀರದಲ್ಲಿ ಮಹತ್ವದ ಬೆಳವಣಿಗೆ: ಪೋಸ್ಟ್ ಪೇಯ್ಡ್ ಮೊಬೈಲ್ ಸೇವೆ ಪುನರಾರಂಭ

ಶ್ರೀನಗರ: ಮಹತ್ವದ ಬೆಳವಣಿಗೆಯಲ್ಲಿ  ಜಮ್ಮು ಕಾಶ್ಮೀರದಲ್ಲಿ ಮೊಬೈಲ್ ಸೇವೆಗಳಿಗಿದ್ದ ನಿರ್ಭಂದ ಸಡಿಲಿಸಲಾಗಿದ್ದು ಸೋಮವಾರದಿಂದ ಪೋಸ್ಟ್ ಪೇಯ್ಡ್   ಕರೆಗಳನ್ನು ಮುಕ್ತವಾಗಿ ಮಾಡಬಹುದಾಗಿದೆ.

ಜಮ್ಮು ಕಾಶ್ಮೀರಕ್ಕಿದ್ದ ವಿಶೇಷ ಸ್ಥಾನಮಾನ ರದ್ದುಗೊಳಿಸಿದ ನಂತರ ಮೊಬೈಲ್ ಸೇವೆಗಳಿಗೆ ಭದ್ರತೆಯ ದೃಷ್ಟಿಯಿಂದ ನಿರ್ಭಂದ ಹೇರಲಾಗಿತ್ತು. ಇಂಟರ್ ನೆಟ್, ಮೊಬೈಲ್  ಸೇರಿದಂತೆ ಹಲವು ಸೇವೆಗಳನ್ನು ರದ್ದುಗೊಳಿಸಲಾಗಿತ್ತು. 69 ದಿನಗಳ ಬಳಿಕ ಇದೀಗ  ಜಮ್ಮು- ಕಾಶ್ಮೀರದಲ್ಲಿ ಶೇ 99 ರಷ್ಟು ನಿರ್ಭಂದ ಸಡಿಲಿಸಲಾಗಿದೆ.

ಜಮ್ಮು ಕಾಶ್ಮೀರದ ಯೋಜನಾ ಪ್ರಧಾನ ಕಾರ್ಯದರ್ಶಿ  ರೋಹಿತ್ ಕನ್ಸಾಲ್ ಈ ಕುರಿತು ಪತ್ರಿಕಾಗೋಷ್ಠಿಯಲ್ಲಿ ಮಾಹಿತಿ ತಿಳಿಸಿದ್ದು ಸೋಮವಾರ ಮಧ್ಯಾಹ್ನ 12 ಗಂಟೆಯಿಂದಲೇ   ಕಾಶ್ಮೀರದಲ್ಲಿ ಪೋಸ್ಟ್ ಪೇಯ್ಡ್  ಮೊಬೈಲ್ ಸೇವೆಗಳಿಗಿದ್ದ ನಿರ್ಭಂದ ಸಡಿಲಿಸುವುದಾಗಿ ತಿಳಿಸಿದ್ದಾರೆ.