All India ಅಂತರ್‌ ವಿ.ವಿ.ಕಬಡ್ಡಿ ಪಂದ್ಯಾವಳಿ: ಮಂಗಳೂರು ವಿವಿ ಕ್ವಾರ್ಟರ್‌ ಫೈನಲಿಗೆ

ಉಡುಪಿ: ಮಂಗಳೂರು ವಿಶ್ವವಿದ್ಯಾನಿಲಯದ ದೈಹಿಕ ಶಿಕ್ಷಣ ವಿಭಾಗ, ಪೂರ್ಣಪ್ರಜ್ಞ ಕಾಲೇಜು ಮತ್ತು ಸ್ನಾತಕೋತ್ತರ ಕೇಂದ್ರದ ವತಿಯಿಂದ ಕಾಲೇಜಿನಲ್ಲಿ ನಡೆಯುತ್ತಿರುವ ಅಖಿಲ ಭಾರತ ಅಂತರ್‌ ವಿ.ವಿ. ಪುರುಷರ ಕಬಡ್ಡಿ ಪಂದ್ಯಾವಳಿಯಲ್ಲಿ ಸತತ ಎರಡನೇ ಗೆಲುವು ಸಾಧಿಸಿದ ಆತಿಥೇಯ ಮಂಗಳೂರು ವಿ.ವಿ. ಮೊದಲ ತಂಡವಾಗಿ ಕ್ವಾರ್ಟರ್‌ಫೈನಲಿಗೇರಿದೆ.

ಆತಿಥೇಯ ಮಂಗಳೂರು ವಿ.ವಿ. ತಂಡವು ಪುರಿ ಶ್ರೀ ಜಗನ್ನಾಥ ಸಂಸ್ಕೃತ ವಿ.ವಿ.ಯನ್ನು 54-24 ಅಂಕಗಳಿಂದ ಮಣಿಸಿದೆ. ಇನ್ನುಳಿದ ಪಂದ್ಯಗಳಲ್ಲಿ ಪಂಜಾಬ್‌ನ ಗುರು ಕಾಶಿ ವಿವಿ ತಂಡವು ಆಂಧ್ರಪ್ರದೇಶದ ಕಡಪದ ಯೋಗಿ ವೇಮನ ವಿ.ವಿ ತಂಡವನ್ನು 53-26 ಅಂಕಗಳಿಂದ ಸೋಲಿಸಿದೆ. ಔರಂಗಬಾದ್‌ನ ಡಾ| ಬಿಎಎಂ ವಿ.ವಿ. ತಂಡವು ಉತ್ತರ ಪ್ರದೇಶದ ಜೆಎನ್‌ಸಿ ವಿ.ವಿ ತಂಡವನ್ನು 70-40 ಅಂಕಗಳಿಂದ ಮಣಿಸಿದೆ. ಚೆನ್ನೈನ ವೇಲ್ಸ್‌ ಇನ್‌ಸ್ಟಿಟ್ಯೂಟ್‌ ಆಫ್ ಸೈನ್ಸ್‌ ಆ್ಯಂಡ್‌ ಟೆಕ್ನಾಲಜಿ ತಂಡವು ಹರಿಯಾಣದ ಚೌಧರಿ ಬನ್ಸಿ ಲಾಲ್‌ ವಿ.ವಿ ತಂಡವನ್ನು 39-32 ಅಂಕಗಳಿಂದ ಸೋಲಿಸಿದೆ.

ಇಂದೋರ್‌ನ ದೇವಿ ಅಹಲ್ಯ ವಿ.ವಿ. ಮತ್ತು ಆ್ಯಡಮ್ಸ್‌ ವಿ.ವಿ. ಗೈರು ಹಾಜರಾದ್ದರಿಂದ ವಿಬಿಎಸ್‌ ಪೂರ್ವಾಂಚಲ ವಿ.ವಿ., ಹರಿಯಾಣದ ಮಹರ್ಷಿ ದಯಾನಂದ ವಿ. ವಿ. ತಂಡವು ಮುಂದಿನ ಹಂತಕ್ಕೆ ನೇರ ಪ್ರವೇಶ ಪಡೆದವು.