ಉಡುಪಿ: ಮಂಗಳೂರು ವಿಶ್ವವಿದ್ಯಾನಿಲಯದ ದೈಹಿಕ ಶಿಕ್ಷಣ ವಿಭಾಗ, ಪೂರ್ಣಪ್ರಜ್ಞ ಕಾಲೇಜು ಮತ್ತು ಸ್ನಾತಕೋತ್ತರ ಕೇಂದ್ರದ ವತಿಯಿಂದ ನಡೆಯುತ್ತಿರುವ ಅಖಿಲ ಭಾರತ ಅಂತರ್‌ ವಿವಿ ಪುರುಷರ ಕಬಡ್ಡಿ ಪಂದ್ಯಾವಳಿಯಲ್ಲಿ ಆತಿಥೇಯ ಮಂಗಳೂರು ವಿವಿ ತಂಡ ಫೈನಲ್‌ ಗೇರಿದೆ.
ಭಾನುವಾರ ಮುಂಜಾನೆ ನಡೆದ ಸೆಮಿಫೈನಲ್‌ ಪಂದ್ಯದಲ್ಲಿ ಮಂಗಳೂರು ವಿ.ವಿ. ತಂಡ ಹರ್ಯಾಣದ ಚೌಧರಿ ಬನ್ಸಿಲಾಲ್ ವಿವಿಯನ್ನು ಸೋಲಿಸಿ ಫೈನಲ್‌ ಗೇರಿತು. ಇನ್ನೊಂದು ಸೆಮಿಫೈನಲ್‌ ನಲ್ಲಿ ಚೆನ್ನೈನ ವೇಲ್ಸ್‌ ತಂಡ ಹರ್ಯಾಣದ ಮಹರ್ಷಿ ದಯಾನಂದ ವಿವಿಯನ್ನು ಸೋಲಿಸಿ ಫೈನಲ್‌ ಗೇರಿದೆ.
ಮಂಗಳೂರು ವಿ.ವಿ. ತಂಡ ಚೆನ್ನೈನ ವೇಲ್ಸ್‌ ವಿರುದ್ಧ ಫೈನಲ್‌ ಆಡಲಿದೆ.
ಮಂಗಳೂರು ವಿವಿ ತಂಡವು ರಾಜಸ್ಥಾನದ ಕೋಟ ವಿವಿ ತಂಡವನ್ನು 46-31 ಅಂಕಗಳಿಂದ ಸೋಲುಣಿಸಿತು. ಇನ್ನುಳಿದ ಕ್ವಾರ್ಟರ್‌ ಪೈನಲ್‌ ಪಂದ್ಯಗಳಲ್ಲಿ ಪಂಜಾಬ್‌ನ ಗುರುಕಾಶಿ ವಿವಿ ತಂಡವನ್ನು ಹರ್ಯಾದ ಚೌಧರಿ ಬನ್ಸಿಲಾಲ್ ವಿವಿ ತಂಡ 35-39 ಅಂಕಗಳಿಂದ ಸೋಲಿಸಿತು. ಸೆಮಿ ಫೈನಲ್‌ ನಲ್ಲಿ ಮಂಗಳೂರು ವಿವಿ ತಂಡವು ಚೌಧರಿ ಬನ್ಸಿಲಾಲ್ ತಂಡವನ್ನು 49-35 ಅಂಕಗಳಿಂದ ಮಣಿಸಿದೆ.
