Advertisement
ವಿಶ್ವ ನಂ. 11ನೇ ಆಟಗಾರ್ತಿ ಸೈನಾ 2015ರ ಆಲ್‌ ಇಂಗ್ಲೆಂಡ್‌ ಚಾಂಪಿಯನ್‌ಶಿಪ್‌ನಲ್ಲಿ ಫೈನಲ್‌ವರೆಗೂ ಪ್ರವೇಶಿಸಿದ್ದರು. ಕಳೆದ ತಿಂಗಳು ಇಂಡೋನೇಶ್ಯ ಓಪನ್‌ನಲ್ಲಿ ವಿಶ್ವ ನಂ.1 ಆಟಗಾರ್ತಿ ತೈ ಜು ಅವರಿಂದ ಪರಾಭವಗೊಂಡಿದ್ದರು. ಇಂಗ್ಲೆಂಡ್‌ ಟೂರ್ನಿಯಲ್ಲಿ ತೈ ಜು ವಿರುದ್ಧ ಸೇಡು ತೀರಿಸಿಕೊಳ್ಳಲು ಸೈನಾಗೆ ಅವಕಾಶವೊಂದು ಸಿಕ್ಕಂತಾಗಿದೆ.
ಪುರುಷರ ಸಿಂಗಲ್ಸ್‌ನಲ್ಲಿ ವಿಶ್ವದ 3ನೇ ಶ್ರೇಯಾಂಕಿತ ಕೆ. ಶ್ರೀಕಾಂತ್‌ ಫ್ರೆಂಚ್‌ ಆಟಗಾರ ಬ್ರೈಸ್‌ ಲಿವರ್ದೆಜ್‌ ಅವರನ್ನು ಮೊದಲ ಸುತ್ತಿನಲ್ಲಿ ಎದುರಿಸಲಿದ್ದಾರೆ. ಸಿಂಗಾಪುರ್‌ ಓಪನ್‌ ಚಾಂಪಿಯನ್‌ ಬಿ. ಸಾಯಿ ಪ್ರಣೀತ್‌ ಮತ್ತು ಎಚ್‌.ಎಸ್‌. ಪ್ರಣಯ್‌ ಅವರಿಗೆ ಮೊದಲ ಸುತ್ತಿನಲ್ಲಿ ಕಠಿನ ಸವಾಲು ಎದುರಾಗಿದೆ. ಪ್ರಣೀತ್‌ ಮಾಜಿ ವಿಶ್ವ ನಂ. 1 ಆಟಗಾರ ಕೊರಿಯಾದ ಸನ್‌ ವಾನ್‌ ಹೊ ಅವರೆದುರು ಕಣಕ್ಕಿಳಿಯಲಿದ್ದಾರೆ. ಇತ್ತ ವಿಶ್ವ ನಂ. 11 ಆಟಗಾರ ಪ್ರಣಯ್‌ ಅವರಿಗೆ ಚೈನೀಸ್‌ ತೈಪೆಯ 8ನೇ ಶ್ರೇಯಾಂಕಿತ ಚೌ ಟಿನ್‌ ಚೆನ್‌ ಪ್ರತಿಸ್ಪರ್ಧಿಯಾಗಿದ್ದಾರೆ.
Related Articles
Advertisement
ಮನು ಅತ್ರಿ-ಬಿ. ಸುಮಿತ್‌ ರೆಡ್ಡಿ ಇಂಗ್ಲೆಂಡ್‌ ಜೋಡಿ ಮರ್ಕ್ನೂಸ್‌ ಎಲ್ಲಿಸ್‌-ಕ್ರಿಸ್‌ ಲ್ಯಾಂಗ್ರಿಜ್‌ ಎದುರು ಸ್ಪರ್ಧೆಗಿಳಿದರೆ, ಮಹಿಳಾ ವಿಭಾಗದ ಅಶ್ವಿ‌ನಿ ಪೊನ್ನಪ್ಪ-ಸಿಕ್ಕಿ ಜೋಡಿ ಜಪಾನಿನ ಮಿಸಾಕಿ ಮಾಟ್ಸುಟೊಮೊ ಮತ್ತು ಅಯಕಾ ತಕಾಹಶಿ ಜೋಡಿಯನ್ನು ಎದುರಿಸಲಿದೆ. ಮಹಿಳಾ ಡಬಲ್ಸ್‌ನ ಉದಯೋನ್ಮುಖ ಜೋಡಿ ಜಕ್ಕಂಪುಡಿ ಮೇಘನಾ ಮತ್ತು ಪೂರ್ವಿಷಾ ಎಸ್‌. ರಾಮ್‌ 5ನೇ ಶ್ರೇಯಾಂಕಿತ ಜಪಾನ್‌ ಆಟಗಾರ್ತಿಯರಾದ ಶಿಹೋ ತನಾಕಾ ಮತ್ತು ಕೊಹಾರು ಯೊನೆಮೊಟೊ ವಿರುದ್ಧ ಸ್ಪರ್ಧಿಸಲಿದ್ದಾರೆ.