All England Badminton: ದ್ವಿತೀಯ ಸುತ್ತಿಗೆ ಪಿ.ವಿ. ಸಿಂಧು

ಬರ್ಮಿಂಗ್‌ಹ್ಯಾಮ್‌: ಆಲ್‌ ಇಂಗ್ಲೆಂಡ್‌ ಬ್ಯಾಡ್ಮಿಂಟನ್‌ ಪಂದ್ಯಾವಳಿಯ ವನಿತಾ ಸಿಂಗಲ್ಸ್‌ ನಲ್ಲಿ ಪಿ.ವಿ. ಸಿಂಧು 2ನೇ ಸುತ್ತು ತಲುಪಿದ್ದಾರೆ.

ಮಂಗಳವಾರದ ಮೊದಲ ಸುತ್ತಿನ ಮುಖಾಮುಖಿಯಲ್ಲಿ ಜರ್ಮನಿಯ ವೋನ್‌ ಲೀ ಮೊದಲ ಗೇಮ್‌ ಬಳಿಕ ಹಿಂದೆ ಸರಿದ ಕಾರಣ ಸಿಂಧು ಮುನ್ನಡೆ ಸುಲಭಗೊಂಡಿತು. ಮೊದಲ ಗೇಮ್‌ 21-10 ಅಂಕಗಳಿಂದ ಸಿಂಧು ಪಾಲಾಗಿತ್ತು.
ವಿಶ್ವದ 11ನೇ ರ್‍ಯಾಂಕಿಂಗ್‌ ಆಟಗಾರ್ತಿಯಾಗಿರುವ ಸಿಂಧು ದ್ವಿತೀಯ ಸುತ್ತಿನಲ್ಲಿ ದಕ್ಷಿಣ ಕೊರಿಯಾದ ಆ್ಯನ್‌ ಸೆ ಯಂಗ್‌ ವಿರುದ್ಧ ಆಡಲಿದ್ದಾರೆ.

ವಿಶ್ವದ ನಂ.1 ಆಟಗಾರ್ತಿಯಾಗಿರುವ ಯಂಗ್‌ ಮೊನ್ನೆಯಷ್ಟೇ ಫ್ರೆಂಚ್‌ ಓಪನ್‌ ಚಾಂಪಿಯನ್‌ ಆಗಿ ಮೂಡಿಬಂದಿದ್ದರು. ಇವರೆದುರು ಆಡಿದ ಎಲ್ಲ 6 ಪಂದ್ಯಗಳಲ್ಲೂ ಸಿಂಧು ಸೋಲನುಭವಿಸಿದ್ದಾರೆ.