ಗೋವಾ ಸರ್ಕಾರಿ ಅಕೌಂಟೆಂಟ್‌ ಪರೀಕ್ಷೆ ಬರೆದ ಎಲ್ಲಾ 8,000 ಮಂದಿ ಫೇಲ್‌!

ಪಣಜಿ : ಗೋವಾ ಸರ್ಕಾರ 80 ಅಕೌಂಟೆಂಟ್‌ ಹುದ್ದೆಗಳ ನೇಮಕಾತಿ ಗಾಗಿ ಪರೀಕ್ಷೆ ನಡೆಸಿತ್ತು, ದುರಂತವೆಂದರೆ ಪರೀಕ್ಷೆ  ಬರೆದ 8 ಸಾವಿರ ಮಂದಿಯೂ ಅನುತ್ತೀರ್ಣರಾಗಿದ್ದಾರೆ. 

100 ಅಂಕದ ಪ್ರಶ್ನೆ ಪತ್ರಿಕೆಯಲ್ಲಿ 50 ಅಂಕ ಪಡೆದವರನ್ನು ಹುದ್ದೆಗೆ ಪರಿಗಣಿಸಲಾಗುತ್ತಿತ್ತು. ಸಾಮಾನ್ಯ ಜ್ಞಾನ, ಇಂಗ್ಲೀಷ್‌ ಮತ್ತು ಲೆಕ್ಕಶಾಸ್ತ್ರದ ಕುರಿತು ಪ್ರಶ್ನೆಗಳಿದ್ದವು. ಪದವೀಧರರಿಗಾಗಿ ಪರೀಕ್ಷೆ ನಡೆಸಲಾಗಿತ್ತು. 

ಜನವರಿ ತಿಂಗಳಿನಲ್ಲಿ ನಡೆದ ಪರೀಕ್ಷೆಯಲ್ಲಿ ಒಬ್ಬ ಅಭ್ಯರ್ಥಿಯೂ ಪಾಸ್‌ ಆಗಿಲ್ಲವೆಂದು ಗೋವಾದ ಆಕೌಂಟ್ಸ್‌ ಡೈರೆಕ್ಟರ್‌ ಅಧಿಸೂಚನೆಯಲ್ಲಿ ತಿಳಿಸಿದ್ದಾರೆ. 

ಈ ಬಗ್ಗೆ ಆಮ್‌ ಆದ್ಮಿ ಪಕ್ಷದ ಗೋವಾ ಪ್ರಧಾನ ಕಾರ್ಯದರ್ಶಿ ಪ್ರದೀಪ್‌ ಪಡ್‌ಗಾಂವ್‌ಕರ್‌ ಅವರು  ಸರ್ಕಾರದ ವಿರುದ್ಧ ಕಿಡಿಕಾರಿದ್ದು, 8 ಸಾವಿರ ಅಭ್ಯರ್ಥಿಗಳು ಅನುತ್ತೀರ್ಣರಾಗಿರುವುದು ರಾಜ್ಯದ ಶಿಕ್ಷಣ ವ್ಯವಸ್ಥೆಯ “ಕುಸಿತ” ಬಗ್ಗೆ ಮಾಡಬಹುದಾದ ದುಃಖದ ವ್ಯಾಖ್ಯಾನ.ಗೋವಾದ ವಾಣಿಜ್ಯ ಕಾಲೇಜುಗಳಿಗೆ ಇದು ಅವಮಾನಕರ ಎಂದಿದ್ದಾರೆ.