Akhilesh Yadav: ಉ.ಪ್ರ.ದಲ್ಲಿ ಬಾಬಾ ಸಾಹೇಬ್‌ ಮತ್ತು ಬಾಬಾ ನಡುವಿನ ಹೋರಾಟ

ಲಕ್ನೋ: ಉತ್ತರಪ್ರದೇಶ ವಿಧಾನಸಭಾ ಉಪಚುನಾವಣೆಯು ಬಾಬಾ ಸಾಹೇಬ್‌ ಅಂಬೇಡ್ಕರ್‌ರನ್ನು ನಂಬುವವರ ಮತ್ತು ಬಾಬಾ (ಯೋಗಿ ಆದಿತ್ಯನಾಥ್‌)ರನ್ನು ನಂಬುವವರ ನಡುವಿನ ಹೋರಾಟವಾಗಿದೆ ಎಂದು ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್‌ ಹೇಳಿದ್ದಾರೆ.

“ಈ ಹೋರಾಟದಲ್ಲಿ ಒಂದೆಡೆ ಸಂವಿಧಾನವನ್ನು ರಕ್ಷಿಸುವರಿದ್ದರೆ, ಇನ್ನೊಂದೆಡೆ ಸಂವಿಧಾನವನ್ನು ನಾಶ ಮಾಡುವವರಿದ್ದಾರೆ. ಇದುವರೆಗೂ “ಪಿಡಿಎ’ ಗಳನ್ನು ಸಂವಿಧಾನ ರಕ್ಷಿಸುತ್ತಿತ್ತು. ಆದರೆ ಇದೀಗ ಪಿಡಿಎ(ಹಿಂದು ಳಿದ, ದಲಿತ, ಅಲ್ಪ ಸಂಖ್ಯಾತ ವರ್ಗ)ಗಳೇ ಸಂವಿಧಾನವನ್ನು ರಕ್ಷಿಸಲಿದ್ದಾರೆ ಎಂದು ಯಾದವ್‌ ಟ್ವೀಟ್‌ ಮಾಡಿದ್ದಾರೆ.