ಯೆಮೆನ್‌ : ವೈಮಾನಿಕ ದಾಳಿಯಲ್ಲಿ 16 ಹುತಿ ಬಂಡುಕೋರರ ಸಾವು

ಏಡನ್‌ : ಹುತಿ ಬಂಡುಕೋರರು ಜಮಾಯಿಸುತ್ತಿದ್ದ ಯೆಮೆನ್‌ನ ಹೊಡೈಡಾ ಬಂದರು ಸಮೀಪದ ಕಟ್ಟಡವೊಂದರ ಮೇಲೆ ನಡೆದ ಬಾಂಬ್‌ ದಾಳಿಯಲ್ಲಿ 16 ಮಂದಿ ಮೃತಪಟ್ಟಿರುವುದಾಗಿ ಭದ್ರತಾ ಮೂಲಗಳನ್ನು ಉಲ್ಲೇಖೀಸಿ AFP ವರದಿ ಮಾಡಿದೆ. 

 ಸೌದಿ ನೇತೃತ್ವದ ಮೈತ್ರಿ ಪಡೆಗಳು ನಡೆಸಿರುವ ಈ ವೈಮಾನಿಕ ದಾಳಿಯಲ್ಲಿ ಮೃತಪಟ್ಟಿರುವ ಬಂಡುಕೋರರು ಎಷ್ಟು, ಪೌರರು ಎಷ್ಟು ಎನ್ನುವ ಬಗ್ಗೆ ವ್ಯತಿರಿಕ್ತ ವರದಿಗಳು ಬಂದಿವೆ. 

ಈ ಬಗ್ಗೆ ತಾನು ತನಿಖೆ ನಡೆಸುತ್ತಿರುವುದಾಗಿ ಮೈತ್ರಿ ಪಡೆ ಹೇಳಿದ್ದು ಸದ್ಯಕ್ಕೆ ಯಾವುದೇ ಖಚಿತ ಮಾಹಿತಿಗಳು ಲಭ್ಯವಾಗಿಲ್ಲ.