Manipur: ಖಾಲಿ ಶವಪೆಟ್ಟಿಗೆ ಹಿಡಿದು ನ್ಯಾಯಕ್ಕಾಗಿ ಪ್ರತಿಭಟನೆ

ಚುರಾಚಾಂದ್‌ಪುರ: ಮಣಿಪುರದಲ್ಲಿ ಭದ್ರತಾ ಪಡೆಗಳು ಮತ್ತು ಕುಕಿ ಸಮುದಾಯದ ನಡುವಿನ ಘರ್ಷಣೆಯಲ್ಲಿ ಮೃತಪಟ್ಟವರಿಗೆ ನ್ಯಾಯ ದೊರಕಿಸಿಕೊಡಬೇಕು ಎಂದು ನೂರಾರು ಮಂದಿ ಖಾಲಿ ಶವಪೆಟ್ಟಿಗೆ ಹಿಡಿದು ಮಂಗಳವಾರ ಪ್ರತಿಭಟನೆ ನಡೆಸಿದ್ದಾರೆ.

12ಕ್ಕೂ ಹೆಚ್ಚು ಕುಕಿ ಬಂಡುಕೋರರು ಭದ್ರತಾ ಪಡೆಯ ಗುಂಡಿಗೆ ಬಲಿಯಾಗಿದ್ದಾರೆ. ಇದೇ ವೇಳೆ, ಶಾಂತಿ ಮರುಸ್ಥಾಪಿ­ಸಲು ಎನ್‌ಡಿಎ ನಡೆಸಿದ ಸಭೆಯಲ್ಲಿ ಕಠಿಣ ಕ್ರಮ ಜರುಗಿಸುವ ನಿರ್ಧಾರ ಕೈಗೊಳ್ಳಲಾಗಿದೆ. ಈ ಸಭೆಯಲ್ಲಿ ಭಾಗಿಯಾಗಿದ್ದ 27 ಶಾಸಕರು ಮೈತೇಯಿ ಸಮುದಾಯದ 6 ಮಂದಿಯ ಹತ್ಯೆಗೆ ಕಾರಣರಾದ ಬಂಡುಕೋರರನ್ನು ಶಿಕ್ಷಿಸಬೇಕು ಎಂಬ ನಿರ್ಧಾರ ತಾಳಿದ್ದಾರೆ.