ಮೊದಲ ಬಾರಿ ಮಹಿಳಾ ಸಿಇಒ ನೇಮಿಸಿದ ಏರ್‌ ಇಂಡಿಯಾ

ಮುಂಬಯಿ: ಇದೇ ಮೊದಲ ಬಾರಿಗೆ ಏರ್‌ ಇಂಡಿಯಾ ವಿಮಾನಯಾನ ಸಂಸ್ಥೆ ಮಹಿಳೆಯೊಬ್ಬರನ್ನು ಸಿಇಒ ಆಗಿ ನೇಮಿಸಿದೆ.

ಭಾರತದಲ್ಲಿ ಮಾತ್ರ ಕಾರ್ಯಾಚರಿಸುವ ಏರ್‌ ಇಂಡಿಯಾದ ಅಂಗ ಸಂಸ್ಥೆ ಅಲಯನ್ಸ್‌ ಏರ್‌ಗೆ ಹರ್‌ಪ್ರೀತ್‌ ಎ. ಡಿ. ಸಿಂಗ್‌ ಸಿಇಒ ಆಗಿ ಆಯ್ಕೆಯಾಗಿದ್ದಾರೆ.

ಇದುವರೆಗೆ ಅವರು ಅಲಯನ್ಸ್‌ ಏರ್‌ನ ಕಾರ್ಯ ನಿರ್ವಾಹಕ ನಿರ್ದೇಶಕರಾಗಿದ್ದರು. ಏರ್‌ ಇಂಡಿಯಾ ನೇಮಕ ಮಾಡಿ
ಕೊಂಡ ಮೊದಲ ಮಹಿಳಾ ಪೈಲಟ್‌ ಹರ್‌ಪ್ರೀತ್‌. ಸದ್ಯ ಅವರು ಅನಾರೋಗ್ಯದ ಕಾರಣ ವಿಮಾನ ಚಾಲನೆ ಮಾಡುತ್ತಿಲ್ಲವಾದರೂ, ವೈಮಾನಿಕ ಸುರಕ್ಷಾ ವಿಭಾಗದಲ್ಲಿ ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.