AI ನ್ಯೂಸ್‌; ವಿಮಾನ ಪ್ರಯಾಣಕ್ಕೆ ಎಐ ಏಜೆಂಟ್‌

ಆರೋಗ್ಯ, ಸುರಕ್ಷೆ, ತಂತ್ರಜ್ಞಾನ ಕ್ಷೇತ್ರಗಳ ಬೆನ್ನಲ್ಲೇ ಇದೀಗ ವಿಮಾನಯಾನ ಕ್ಷೇತ್ರದಲ್ಲಿಯೂ ಕೃತಕ ಬುದ್ಧಿಮತ್ತೆ (ಎಐ)ಯ ಬಳಕೆ ಆರಂಭವಾಗಿದ್ದು, ವಿಮಾನ ಪ್ರಯಾಣಿಕರ ಸಹಾಯಕ್ಕಾಗಿ ಏರ್‌ಇಂಡಿಯಾ ಎಐ ಆಧಾರಿತವಾದ ತನ್ನ ವರ್ಚುವಲ್‌ ಏಜೆಂಟ್‌ “ಮಹಾರಾಜ್‌’ ಅನ್ನು ಪರಿಚಯಿಸಿದೆ.

ಆಸ್ಕ್ ಮಹಾರಾಜ್‌ ಎನ್ನುವ ಈ ಎಐ ವರ್ಚುವಲ್‌ ಏಜೆಂಟ್‌:-ಪ್ರಯಾಣಿಕರಿಗೆ ಟಿಕೆಟ್‌ ಬುಕ್ಕಿಂಗ್‌, ಫ್ಲೈಟ್‌ ಸ್ಟೇಟಸ್‌, ಚೆಕ್‌ಇನ್‌, ಏರ್‌ಪೋರ್ಟ್‌ ಲಾಂಜ್‌ ಆ್ಯಕ್ಸೆಸ್‌, ಫ್ಲೈಟ್‌ಚಾರ್ಜ್‌, ರೀಫ‌ಂಡ್‌, ಪಾರ್ಕಿಂಗ್‌ ನಿಯಮಗಳು ಸಹಿತ 1,300ಕ್ಕೂ ಅಧಿಕ ವಿಚಾರಗಳ ಬಗ್ಗೆ ದಿನವೊಂದಕ್ಕೆ 6,000 ಪ್ರಶ್ನೆಗಳಿಗೆ ಉತ್ತರಿಸಿ , ಗೈಡ್‌ ಮಾಡಲಿದೆ. ವಿಶ್ವದಲ್ಲಿ ಇದೇ ಮೊದಲಬಾರಿಗೆ ವಿಮಾನಯಾನ ಸಂಸ್ಥೆ ಇಂಥ ವ್ಯವಸ್ಥೆ ಹೊಂದಿದೆ.