ಆಗಸ್ಟಾ ಹಗರಣ: ಸಕ್ಸೇನಾಗೆ ಮಾಫಿ ಸಾಕ್ಷಿಯಾಗಲು ಕೋರ್ಟ್‌ ಅನುಮತಿ

ಹೊಸದಿಲ್ಲಿ : 3,600 ಕೋಟಿ ರೂ. ಆಗಸ್ಟಾ ವೆಸ್ಟ್‌ ಲ್ಯಾಂಡ್‌ ವಿವಿಐಪಿ ಹೆಲಿಕಾಪ್ಟರ್‌ ಡೀಲ್‌ ಕೇಸಿನಲ್ಲಿ ಮಧ್ಯವರ್ತಿ ಎನ್ನಲಾದ ರಾಜೀವ್‌ ಸಕ್ಸೇನಾ ಗೆ ಮಾಫಿ ಸಾಕ್ಷಿಯಾಗಲು ದಿಲ್ಲಿ ನ್ಯಾಯಾಲಯ ಅನುಮತಿ ನೀಡಿದೆ.

ಸಕ್ಸೇನಾ ಸಲ್ಲಿಸಿರುವ ಕ್ಷಮೆ ಯಾಚನೆಯ ಮನವಿಯನ್ನು ಜಾರಿ ನಿರ್ದೇಶನಾಲಯ ಬೆಂಬಲಿಸಿರುವ ಹಿನ್ನೆಲೆಯಲ್ಲಿ ವಿಶೇಷ ನ್ಯಾಯಾಧೀಶ ಅರವಿಂದ ಕುಮಾರ್‌ ಅವರರು ಸಕ್ಸೇನಾ ಗೆ ಮಾಫಿ ಸಾಕ್ಷಿಯಾಗುವುದಕ್ಕೆ ಅನುಮತಿ ನೀಡಿದರು.

ಸಕ್ಸೇನಾ ಹೇಳಿಕೆಯನ್ನು ತಾನು ಪರಿಶೀಲಿಸಿದ್ದು ಆತನು ಈ ಕೇಸಿನಲ್ಲಿ ಅತೀ ಮುಖ್ಯ ಸಾಕ್ಷಿದಾರನಲ್ಲಿ ಓರ್ವ ನಾಗಿದ್ದಾನೆ ಎಂದು ಜಾರಿ ನಿರ್ದೇಶನಾಲಯ ಕೋರ್ಟಿಗೆ ತಿಳಿಸಿತು.