Ayodhya; ತುಂಬಾ ಒಳ್ಳೆಯ ದರ್ಶನ ಸಿಕ್ಕಿತು:ರಜನಿಕಾಂತ್

ಚೆನ್ನೈ: ಅಯೋಧ್ಯೆಯಲ್ಲಿ ನನಗೆ ರಾಮಲಲ್ಲಾನ ತುಂಬಾ ಒಳ್ಳೆಯ ದರ್ಶನ ಸಿಕ್ಕಿತು ಎಂದು ಪ್ರಖ್ಯಾತ ನಟ ರಜನಿಕಾಂತ್ ಮಂಗಳವಾರ ಹರ್ಷ ವ್ಯಕ್ತಪಡಿಸಿದ್ದಾರೆ.

ಅಯೋಧ್ಯೆಯಿಂದ ಹಿಂದಿರುಗಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ರಜನಿಕಾಂತ್ ‘ದೇವಸ್ಥಾನ ತೆರೆದ ನಂತರ ಮೊದಲು ಶ್ರೀರಾಮನನ್ನು ನೋಡಲು ಸಿಕ್ಕ 150-200 ಜನರಲ್ಲಿ ನಾನು ಒಬ್ಬನಾಗಿದ್ದೆ ಎನ್ನುವುದು ನನಗೆ ತುಂಬಾ ಸಂತೋಷದ ವಿಚಾರವಾಗಿದೆ’ ಎಂದರು.

”ಸುಮಾರು 500 ವರ್ಷಗಳಿಂದ ನಡೆಯುತ್ತಿದ್ದ ವಿವಾದವನ್ನು ಸುಪ್ರೀಂ ಕೋರ್ಟ್ ತೀರ್ಪಿನ ನಂತರ ಅಂತ್ಯಗೊಳಿಸಲಾಗಿದ್ದು, ಇದೀಗ ತೀರ್ಪು ಬಂದು ದೇಗುಲ ನಿರ್ಮಾಣವಾಗಿದೆ. ಇದು ಇತಿಹಾಸದಲ್ಲಿ ಮರೆಯಲಾಗದ ದಿನ” ಎಂದು ರಜನಿಕಾಂತ್ ಸೋಮವಾರ ಅಯೋಧ್ಯೆಯಲ್ಲಿ ಹೇಳಿದ್ದರು.