ಮುಲಾಯಂ ಆಶೀರ್ವಾದ ಪಡೆದ ಅಪರ್ಣಾ

ಲಕ್ನೋ: ಬುಧವಾರದಂದು ಹೊಸದಿಲ್ಲಿಯಲ್ಲಿ ಬಿಜೆಪಿ ಸೇರಿಕೊಂಡ ಸಮಾಜವಾದಿ ಪಕ್ಷದ ಸಂಸ್ಥಾಪಕ ಮುಲಾಯಂ ಸಿಂಗ್‌ರ ಸೊಸೆ, ದಿಲ್ಲಿಯಿಂದ ಲಕ್ನೋಗೆ ಮರಳುತ್ತಿದ್ದಂತೆಯೇ ಮಾವನ ಬಳಿ ತೆರಳಿದ್ದಾರೆ.

ಮಾವ ಮುಲಾಯಂ ಸಿಂಗ್‌ ಅವರ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದಿದ್ದಾರೆ. ಆ ಫೋಟೋವನ್ನು ಅವರೇ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, “ಬಿಜೆಪಿ ಸದಸ್ಯತ್ವ ಪಡೆದ ಅನಂತರ ಅಪ್ಪಾಜಿ/ನೇತಾಜಿ ಅವರ ಆಶೀರ್ವಾದ ಪಡೆದೆನು’ ಎಂದು ಬರೆದುಕೊಂಡಿದ್ದಾರೆ.

ಹಾಗೆಯೇ ದಿಲ್ಲಿಯಿಂದ ಲಕ್ನೋ ವಿಮಾನ ನಿಲ್ದಾಣಕ್ಕೆ ಬಂದಿಳಿದ ತತ್‌ಕ್ಷಣ ತಮಗೆ ಬಿಜೆಪಿ ಕಾರ್ಯಕರ್ತರಿಂದ ಅದ್ದೂರಿ ಸ್ವಾಗತ ಸಿಕ್ಕಿದ್ದಾಗಿಯೂ ಅವರು ಬರೆದುಕೊಂಡಿದ್ದಾರೆ.