ದಿಗ್ವಿಜಯ್‌ಗೆ ಬಿಜೆಪಿ ಸವಾಲು

ಹೊಸದಿಲ್ಲಿ:  ರಾಮಮಂದಿರ ನಿರ್ಮಾಣ ಮಾಡುವ ಬಿಜೆಪಿಯ ಇರಾದೆಗೆ ಸಂಸತ್ತಿನಲ್ಲಿ ಬೆಂಬಲ ನೀಡುವ ಮೂಲಕ ರಾಮನ ಮೇಲೆ ತಮ್ಮಲ್ಲಿ ಉದ್ಭವಿಸಿರುವ ಭಕ್ತಿಭಾವ ಕೇವಲ ಚುನಾವಣಾ ತಂತ್ರವಲ್ಲ ಎಂಬುದನ್ನು ಕಾಂಗ್ರೆಸ್‌ ತೋರಿಸಬೇಕೆಂದು ಬಿಜೆಪಿ ರಾಷ್ಟ್ರೀಯ ಉಪಾಧ್ಯಕ್ಷ ಪ್ರಭಾತ್‌ ಝಾ ಅವರು, ಕಾಂಗ್ರೆಸ್‌ ನಾಯಕ ದಿಗ್ವಿಜಯ ಸಿಂಗ್‌ ಅವರಿಗೆ ಬಹಿರಂಗ ಸವಾಲು ಹಾಕಿದ್ದಾರೆ.
ಚುನಾವಣೆಯ ಹೊಸ್ತಿಲಲ್ಲಿರುವ ಮಧ್ಯಪ್ರದೇಶದಲ್ಲಿ ಅಧಿಕಾರಕ್ಕೆ ಬಂದರೆ ರಾಮ ಪಥ ನಿರ್ಮಾಣ ಮಾಡುವುದಾಗಿ ದಿಗ್ವಿಜಯ ಸಿಂಗ್‌ ಘೋಷಿಸಿದ್ದಕ್ಕೆ ಪ್ರತಿಯಾಗಿ ಝಾ ಅವರಿಂದ ಈ ಹೇಳಿಕೆ ಹೊರಬಿದ್ದಿದೆ.