ಹಾಸ್ಯ ಭಾಷಣಕಾರ ಕುನಾಲ್‌ ಕಮ್ರಾ ಹಾರಾಟ ನಿಷೇಧ ವಿಸ್ತರಣೆ

ಹೊಸದಿಲ್ಲಿ: ಪತ್ರಕರ್ತ ಅರ್ನಾಬ್‌ ಗೋಸ್ವಾಮಿ ಜತೆಗೆ ಇಂಡಿಗೋ ವಿಮಾನದಲ್ಲಿ ಅನುಚಿತವಾಗಿ ವರ್ತಿಸಿ 6 ತಿಂಗಳ ಹಾರಾಟ ನಿಷೇಧಕ್ಕೆ ಗುರಿಯಾಗಿರುವ ಹಾಸ್ಯ ಭಾಷಣಕಾರ ಕುನಾಲ್‌ ಕಮ್ರಾಗೆ ಇನ್ನೂ ಮೂರು ವಿಮಾನಯಾನ ಸಂಸ್ಥೆಗಳು ಹಾರಾಟ ನಿಷೇಧ ಹೇರಿವೆ.

ಏರ್‌ ಇಂಡಿಯಾ, ಸ್ಪೈಸ್‌ಜೆಟ್‌, ಗೋ ಏರ್‌ ಹೊಸತಾಗಿ ನಿಷೇಧ ಪ್ರಕಟಿಸಿದ ವೈಮಾನಿಕ ಸಂಸ್ಥೆಗಳು. 2017ರಿಂದ ವಿಮಾನ ಪ್ರಯಾಣದ ವೇಳೆ ಅನುಚಿತವಾಗಿ ವರ್ತಿಸುವವರನ್ನು 6 ತಿಂಗಳುಗಳ ನಿಷೇಧ ಪಟ್ಟಿಗೆ ಸೇರಿಸುವ ನಿಯಮ ಜಾರಿಯಲ್ಲಿದೆ. ರಾಜಕೀಯವಾಗಿ ಕೂಡ ಈ ತೀರ್ಮಾನ ಹಲವರನ್ನು ಸಿಟ್ಟಿಗೆಬ್ಬಿಸಿದೆ. ಟ್ವಿಟರ್‌ನಲ್ಲಿ ಈ ಬಗ್ಗೆ ಪರ ವಿರೋಧ ಚರ್ಚೆಗಳು ನಡೆದಿವೆ.