Finance: ಮೌಲ್ಯವರ್ಧನೆ ಕಂಡ ಆಫ್ಘನ್‌ ಕರೆನ್ಸಿ

ವಾಷಿಂಗ್ಟನ್‌: ಈ ತ್ತೈಮಾಸಿಕದಲ್ಲಿ ಅಫ್ಘಾನಿಸ್ತಾನ ಕರೆನ್ಸಿಯು ವಿಶ್ವದಲ್ಲೇ ಅತ್ಯುತ್ತಮ ಮೌಲ್ಯವರ್ಧನೆ ಕಂಡ ಕರೆನ್ಸಿ ಆಗಿದೆ ಎಂದು ಬ್ಲೂಮ್‌ಬರ್ಗ್‌ ವರದಿ ತಿಳಿಸಿದೆ. ಈ ಅವಧಿಯಲ್ಲಿ ಅಫ್ಘಾನಿಸ್ತಾನ ಕರೆನ್ಸಿಯು ಡಾಲರ್‌ ಎದುರು ದಾಖಲೆಯ ಶೇ.9ರಷ್ಟು ಮೌಲ್ಯವರ್ಧನೆ ದಾಖಲಿಸಿದೆ.

ಅಫ್ಘಾನಿಸ್ತಾನದಲ್ಲಿ ತಾಲಿಬಾನ್‌ ಸರ್ಕಾರ ಇದ್ದು, ಮಾನವೀಯ ನೆರವಿನ ಆಧಾರದಲ್ಲಿ ದೇಶಕ್ಕೆ ಹರಿದುಬಂದ ಕೋಟ್ಯಂತರ ಡಾಲರ್‌ಗಳು ಹಾಗೂ ಏಷ್ಯಾದ ನೆರೆಯ ದೇಶಗಳಲ್ಲಿ ಹೆಚ್ಚಿದ ವಾಪ್ಯಾರ ವಹಿವಾಟು ಈ ಮೌಲ್ಯವರ್ಧನೆಗೆ ಕಾರಣ ಎಂದು ವರದಿ ಹೇಳಿದೆ. ಇದೇ ವೇಳೆ, ಡಾಲರ್‌ ಎದುರು ಅಫ್ಘಾನಿ ಕರೆನ್ಸಿಯ ಸ್ಥಿರತೆಗೆ ತಾಲಿಬಾನ್‌ ಸರ್ಕಾರ ಕಳೆದ ಎರಡು ವರ್ಷಗಳಿಂದ ಅನೇಕ ಕ್ರಮಗಳನ್ನು ಕೈಗೊಂಡಿದೆ.