ಆ್ಯಡ್‌ ಸಿಂಡಿಕೇಟ್‌ಗೆ “ವರ್ಷದ ಅತ್ಯಂತ ನವೀನ ತಂತ್ರಜ್ಞಾನ’ಪ್ರಶಸ್ತಿ

ಮಣಿಪಾಲ: ಮಣಿಪಾಲದಲ್ಲಿ ತನ್ನ ಮುಖ್ಯ ಕಚೇರಿಯನ್ನು ಹೊಂದಿರುವ ದೇಶದ ಹೆಸರಾಂತ ಸಂಸ್ಥೆಗಳಲ್ಲಿ ಒಂದಾದ ಆ್ಯಡ್‌ ಸಿಂಡಿಕೇಟ್‌ ಸರ್ವೀಸಸ್‌ ಪ್ರೈ.ಲಿ. ಇತ್ತೀಚೆಗೆ ಮುಂಬಯಿಯಲ್ಲಿ ಆಯೋಜಿಸಲಾದ 12ನೇ ಕಸ್ಟಮರ್‌ ಲಾಯಲ್ಟಿ ಅವಾರ್ಡ್‌ ಸಮಾರಂಭದಲ್ಲಿ “ವರ್ಷದ ಅತ್ಯಂತ ನವೀನ ತಂತ್ರಜ್ಞಾನ’ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ.

ಕಳೆದ ಎರಡು ದಶಕಗಳಲ್ಲಿ ವರ್ಷ ದಿಂದ ವರ್ಷಕ್ಕೆ ಜಾಹೀರಾತು ಕ್ಷೇತ್ರದಲ್ಲಿ ತನ್ನ ನೂತನ ಪ್ರಯೋಗಗಳಲ್ಲದೆ, ಡಿಜಿಟಲ್‌ ಜಾಹೀರಾತು ಮತ್ತು ಸಾಂಸ್ಥಿಕ ಸಮ್ಮೇಳನಗಳ ಆಯೋಜನೆಯಲ್ಲೂ ಸಂಸ್ಥೆಯು ಸಿದ್ಧಹಸ್ತವಾಗಿದೆ. ಸಂಸ್ಥೆಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಯು. ಡಿ. ಆಚಾರ್ಯ, ಮುಖ್ಯ ನಿರ್ವಾಹಕ ಅಧಿಕಾರಿ ಸಂದೇಶ್‌ ಶೆಣೈ ಹಾಗೂ ಇವೆಂಟ್‌ ಮುಖ್ಯಸ್ಥ ವಿವಾಕ್‌ ಅಧಿಕಾರಿ ಪ್ರಶಸ್ತಿಯನ್ನು ಸಮ್ಮೇಳನದ ಆಯೋಜಕರಾದ ಕಾಮಿಕಾಜ್‌ ಬಿ2ಬಿ ಮೀಡಿಯಾದಿಂದ ಸ್ವೀಕರಿಸಿದರು.