ಆದಿವುಡುಪಿ ಅಂಚೆ ಕಚೇರಿ ಮುಚ್ಚಿಸದಂತೆ ಮನವಿ

ಮಲ್ಪೆ: ಆದಿವುಡುಪಿಯಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಪೋಸ್ಟ್‌ ಆಫೀಸನ್ನು ಉಡುಪಿ ಬನ್ನಂಜೆಯ ಸಬ್‌ ಪೋಸ್ಟ್‌ ಅಫೀಸಿನೊಂದಿಗೆ ವಿಲೀನಗೊಳಿಸುವ ಪ್ರಕ್ರಿಯೆಯನ್ನು  ಕೈ ಬಿಡುವಂತೆ ಆಗ್ರಹಿಸಿ ಆದಿವುಡುಪಿ ಮೂಡುಬೆಟ್ಟಿನ ನಾಗರಿಕರು ಸಚಿವ ಪ್ರಮೋದ್‌ ಮಧ್ವರಾಜ್‌ ಅವರಿಗೆ ಮನವಿ ಸಲ್ಲಿಸಿದ್ದಾರೆ.

ಈ ಪರಿಸರದಲ್ಲಿ ಸಿಂಡಿಕೇಟ್‌ ಬ್ಯಾಂಕ್‌, ಪ್ರಾಥಮಿಕ ಶಾಲೆ, ಪ್ರೌಢಶಾಲೆ, ಅಂಗನವಾಡಿ, ಮಾಜಿ ಸೈನಿಕರ ವಿವಿದ್ದೊದ್ದೇಶ ಸಂಘ, ಅರಣ್ಯ ಸಂರಕ್ಷಣಾಧಿಕಾರಿಗಳ ಕಚೇರಿ, ಕೃಷಿ ಉತ್ಪನ್ನ ಮಾರುಕಟ್ಟೆ ಕಚೇರಿ, ಮುಂತಾದ ಪ್ರಾಮುಖ್ಯ ಸರಕಾರಿ ಖಾಸಗಿ ಸಂಸ್ಥೆಗಳು ಕಾರ್ಯನಿರ್ವಹಿಸುತ್ತಿದೆ.  ಸುಮಾರು  5 ಸಾವಿರಕ್ಕಿಂತಲೂ ಹೆಚ್ಚಿನ ಕುಟುಂಬಗಳು ಈ ಪ್ರದೇಶದಲ್ಲಿ ವಾಸಿಸುತ್ತಿದ್ದು ಈ ಅಂಚೆ ಕಚೇರಿಯಲ್ಲಿ ವ್ಯವಹಾರ ನಡೆಸುತ್ತಿದ್ದಾರೆ. ಅಂಚೆ ಕಚೇರಿ ಮುಚ್ಚಿದಲ್ಲಿ ಈ ಪರಿಸರದ ಜನರಿಗೆ ತೊಂದರೆ ಯಾಗಲಿದೆ. ನಗರಸಭಾ ಸದಸ್ಯ ಹಾರ್ಮೀಸ್‌ ನೋರೊನ್ನಾ, ರಾವಲ್‌, ಸುಖೇಶ್‌, ಗುರು, ಅರುಣ್‌, ಮಾದವ ಬನ್ನಂಜೆ ಉಪಸ್ಥಿತರಿದ್ದರು.