Ranchi : ಥಳಿಸಿ ಆದಿವಾಸಿ ಗಾಯಕನ ಹತ್ಯೆ

ರಾಂಚಿ: ಜಾರ್ಖಂಡ್‌ನ‌ಲ್ಲಿ ಬುದ್ಧಿಮಾಂದ್ಯ ಬಾಲಕಿಗೆ ಕಿರುಕುಳ ನೀಡಿದ ಆಪಾದನೆ ಮೇರೆಗೆ ಆದಿವಾಸಿ ಗಾಯಕನನ್ನು ಬಡಿಗೆಯಿಂದ ಬಡಿದು ಹತ್ಯೆ ಮಾಡಲಾಗಿದೆ. ಘಟನೆಗೆ ಬಾಲಕಿಯ ಮನೆಯವರು ಸೇರಿದಂತೆ ಮೂರು ಕುಟುಂಬಗಳು ಕಾರಣವಾಗಿದ್ದು, ಈ ಸಂಬಂಧ ಮೂವರನ್ನು ಬಂಧಿಸಲಾಗಿದೆ.

ರಾಂಚಿ ಸಮೀಪದ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಡೇವಿಡ್‌ ಮಿಂಜ್‌(35) ಕೊಲೆಯಾದ ಗಾಯಕ. ಅವರು ನಾಗ್ಪುರಿ ಭಾಷೆಯಲ್ಲಿ ಹಲವಾರು ಗೀತೆಗಳನ್ನು ಹಾಡಿದ್ದು, ಸಾಮಾಜಿಕ ಜಾಲತಾಣ ಮಾಧ್ಯಮಗಳಲ್ಲಿ ಈ ಹಾಡುಗಳು ಜನಪ್ರಿಯವಾಗಿವೆ.