Advertisement
– ಹೀಗೆ ಹೇಳಿ ಸಣ್ಣ ನಗು ಹೊರ ಹಾಕಿದರು ನಿರ್ಮಾಪಕ ಶಮಂತ್‌. ಈ ಹಿಂದೆ “ಮೆಲೋಡಿ’ ಮತ್ತು “ಪ್ರೀತಿ ಕಿತಾಬು’ ಚಿತ್ರ ನಿರ್ಮಿಸಿದ್ದ ಅವರು, ಈಗ “ಆದಿ ಪುರಾಣ’ ಹೇಳಲು ಬಂದಿದ್ದಾರೆ. ಈ ಬಾರಿ ಅವರು ತಮ್ಮ ಸಹೋದರ ಶಶಾಂಕ್‌ ಅವರನ್ನು ಹೀರೋ ಮಾಡಿದ್ದಾರೆ. ಚಿತ್ರದ ಚಿತ್ರೀಕರಣ ಮುಗಿದು, ರೀ-ರೆಕಾರ್ಡಿಂಗ್‌ ಕೆಲಸ ನಡೆಯುತ್ತಿದೆ. ಆ ಕುರಿತು ಹೇಳಲೆಂದೇ ಪತ್ರಕರ್ತ ಮುಂದೆ ತಂಡದೊಂದಿಗೆ ಹಾಜರಾಗಿದ್ದರು ಶಮಂತ್‌.
ಹೈಲೈಟ್‌. ಕನ್ನಡಕ್ಕೆ ಹೊಸತನ ಬೇಕೆಂಬ ಕಾರಣಕ್ಕೆ ಫ್ರೆಶ್‌ ಎನಿಸುವ ಕಥೆಯೊಂದಿಗೆ ಬರುತ್ತಿದ್ದೇವೆ’ ಎಂದರು ಶಮಂತ್‌. ಮೋಹನ್‌ “ಆದಿ ಪುರಾಣ’ ಮೂಲಕ ನಿರ್ದೇಶಕರಾಗುತ್ತಿದ್ದಾರೆ. ಅವರಿಗೆ ಸಿನಿಮಾ ರಂಗ ಹೊಸದಲ್ಲ. ಕಳೆದ ಒಂದು ದಶಕದಿಂದಲೂ ಅವರು
ಸಂಕಲನಕಾರರಾಗಿ ಕೆಲಸ ಮಾಡಿದವರು. “ಒಬ್ಬ ನಿರ್ದೇಶಕರಿಗೆ ಒಳ್ಳೆಯ ಚಿತ್ರ ಮಾಡಲು ಸಿನಿಮಾ ಪ್ರೀತಿಸುವ ನಿರ್ಮಾಪಕ ಬೇಕು. ಶಮಂತ್‌ ಆ ವಿಚಾರದಲ್ಲಿ ಯಾವುದಕ್ಕೂ ಕೊರತೆ ಮಾಡದೆ, ಕೇಳಿದ್ದೆಲ್ಲವನ್ನೂ ಕೊಟ್ಟು, ನೀಟ್‌ ಚಿತ್ರವಾಗಲು ಕಾರಣವಾಗಿದ್ದಾರೆ. ಸಿನಿಮಾ ಸ್ವಲ್ಪ ತಡವಾಯ್ತು. ಕಾರಣ, ಹೀರೋ ಎಂಜಿನಿಯರಿಂಗ್‌ ಸ್ಟುಡೆಂಟ್‌. ಪರೀಕ್ಷೆ ಬಂದಿದ್ದರಿಂದ ಡೇಟ್ಸ್‌ ಸಮಸ್ಯೆಯಾಯ್ತು. ನಾಯಕಿ ತಮಿಳು ಚಿತ್ರದಲ್ಲಿ ಬಿಜಿ ಇದ್ದುದರಿಂದ ಹೊಂದಿಸಿಕೊಂಡು ಮಾಡೋಕೆ ತಡವಾಯ್ತು. ಇದು ಒಬ್ಬ ಕಾಲೇಜು ಓದು ವಿದ್ಯಾರ್ಥಿ ತನ್ನ ಲೈಫ‌ಲ್ಲಿ ಆಡುವ ಆಟಗಳು, ಗೃಹಸ್ಥನಾದಾಗ ಎದುರಾಗುವ ಪರಿಪಾಟಿಲುಗಳು ಕುರಿತು ಸುತ್ತುತ್ತದೆ. ಇಲ್ಲಿ ಲವ್‌ ಸ್ಟೋರಿ ಇಲ್ಲ. ಯಾವುದೇ ಮರಸುತ್ತುವ ಹಾಡುಗಳಿಲ್ಲ. ರೊಮ್ಯಾಂಟಿಕ್‌ ಕಾಮಿಡಿ ಇದೆ. ಈಗಿನ ಜನರೇಷನ್‌ ಕುರಿತ ಕಥೆ ಇಲ್ಲಿದೆ’ ಎಂದು ವಿವರ ಕೊಡುತ್ತಾರೆ ಮೋಹನ್‌.
Related Articles
Advertisement
ನಾಯಕಿ ಮೋಕ್ಷ, ಚಿತ್ರದ ಬಗ್ಗೆ ಹೇಳಿಕೊಳ್ಳುವುದಕ್ಕಿಂತ ಬೇರೆ ವಿಷಯ ಮಾತಾಡಿದ್ದೇ ಹೆಚ್ಚು. ಅವರಿಗೆ ಇದು ಮೊದಲ ಚಿತ್ರ. ಮಾಡೆಲಿಂಗ್‌ ಮಾಡುತ್ತಿದ್ದ ಅವರಿಲ್ಲಿ ಬೋಲ್ಡ್‌ ಆಗಿರುವ ಪಾತ್ರ ಮಾಡಿದ್ದಾರಂತೆ. ಕಾಲೇಜ್‌ನಲ್ಲಿ ಹುಡುಗರು ಅವರನ್ನು ನೋಡಿದರೆ ಎಲ್ಲರೂ ಹೆದರುವಂತಹ ಪಾತ್ರ ನಿರ್ವಹಿಸಿದ್ದಾರಂತೆ. ಲವ್‌ ಮಾಡಲ್ಲ, ಲವ್ವಲ್ಲಿ ಬಿದ್ದರೆ ಏನಾಗುತ್ತೆ ಅನ್ನೋ ಪಾತ್ರವದು ಅಂದರು ಮೋಕ್ಷ. ಅಹಲ್ಯ ಅವರಿಲ್ಲಿ ರೊಮ್ಯಾಂಟಿಕ್‌ ಸೀನ್‌ಗಳಲ್ಲಿ ಕಾಣಿಸಿಕೊಂಡ ಬಗೆ ವಿವರಿಸಿ ಸುಮ್ಮನಾದರು. ಗುರು ಛಾಯಾಗ್ರಹಣ ಮಾಡಿದ್ದಾರೆ. ಸಿದಾಟಛಿರ್ಥ್, ಚಂದನಾ, ವಿಕ್ರಮ್‌ ಸಂಗೀತ ನೀಡಿದ್ದಾರೆ. ವಿಶೇಷವೆಂದರೆ, ಹಿರಿಯ ನೃತ್ಯ ನಿರ್ದೇಶಕಿ ತಾರಾ ಮಾಸ್ಟರ್‌, ಚಿತ್ರದಲ್ಲಿರುವ ಕ್ಯಾಬರೆ ಹಾಡಿಗೆ ನೃತ್ಯ ಸಂಯೋಜಿಸಿದ್ದಾರೆ.