Advertisement
ತಾಲೂಕಿನ ಕುಡತಿನಿ ಪಟ್ಟಣದ ಬಳಿ ಇರುವ ಬಿಟಿಪಿಎಸ್‌ನ 700 ಮೆ.ವ್ಯಾ. ವಿದ್ಯುತ್‌ ಉತ್ಪಾದಿಸುವ 3ನೇ ಘಟಕಕ್ಕೆ ಅತ್ಯಾಧುನಿಕ ಓಝೋನೈಝೇಷನ್‌ ಘಟಕ ಅಳವಡಿಸುವ ಕಾರ್ಯ ಭರದಿಂದ ಸಾಗಿದ್ದು, ಆರು ತಿಂಗಳಲ್ಲಿ ಈ ಘಟಕ ಕಾರ್ಯಾರಂಭವಾಗುವ ನಿರೀಕ್ಷೆಯಿದೆ.
Related Articles
Advertisement
ಓಝೋನೈಝೇಷನ್‌ ಹೇಗೆ?: ವಾತಾವರಣದಲ್ಲಿರುವ ಆಮ್ಲಜನಕಕ್ಕೆ ಅದರದ್ದೇ ಆದ ಏಕಾಣು (ಒ) ಸೇರಿಸಿದರೆ ಓಝೋನ್‌ (03)ಆಗಿ ಮಾರ್ಪಡುತ್ತದೆ. ಇದು ಜೀವಿಗಳ ಉಸಿರಾಟಕ್ಕೆ ಬರುವುದಿಲ್ಲ. ಆದ್ದರಿಂದ ಜಲಮಾಲಿನ್ಯಕಾರಕಗಳು ಸತ್ತು ಹೋಗುತ್ತವೆ. ಈ ಕಾರ್ಯಕ್ಕೆ ವಾತಾವರಣದ ಗಾಳಿ ಎಳೆಯಲು ಬೃಹತ್‌ ಕಾಂಪ್ರಸ್ಸರ್‌ ಅಳವಡಿಸಲಾಗಿದೆ. ಈ ಘಟಕದ ಮುಂದಿನ ಘಟ್ಟದಲ್ಲಿ ಆಮ್ಲಜನಕ ಪ್ರತ್ಯೇಕಿಸಲಾಗುತ್ತದೆ. ನಂತರ ಆಮ್ಲಜನಕ ವಿಭಜಿಸಿ, ಏಕಾಣುವನ್ನು ನೈಸರ್ಗಿಕ ಆಮ್ಲಜನಕಕ್ಕೆ ಸೇರ್ಪಡೆ ಮಾಡಿ ಓಝೋನ್‌ ಉತ್ಪಾದಿಸಲಾಗುತ್ತದೆ. ಇದನ್ನು ನೀರಿನಲ್ಲಿ ಹರಿಸಿ ಜಲ ಕಲ್ಮಶಗಳನ್ನು ನಾಶಗೊಳಿಸಲಾಗುತ್ತದೆ. ಈ ಪ್ರಕ್ರಿಯೆಯಿಂದ ಸಂಪೂರ್ಣ ಕಾರ್ಯಕ್ಷಮತೆ ಸಾಧ್ಯವಾಗಲಿದೆ.
ಲಾಭಗಳೇನು?: ಈ ಪ್ರಕ್ರಿಯೆಯಿಂದ ನೀರಿನ ಪುನರ್‌ಬಳಕೆ ಸಾಧ್ಯ. ಹಾನಿಕಾರಕ ರಾಸಾಯನಿಕಗಳನ್ನು ದೂರವಿಡಬಹುದು. ಇದು ಪರಿಸರ ಸ್ನೇಹಿ ಹಾಗೂ ಜನಸ್ನೇಹಿ. ವೆಚ್ಚವೂ ಕಡಿಮೆ.
ಇತರೆ ಉದ್ಯಮಗಳಿಗೆ ಮಾದರಿಮಧ್ಯಪ್ರದೇಶದ ಭೂಪಾಲ್‌ ನಗರದಲ್ಲಿ 1984ರಲ್ಲಿ ಸಂಭವಿಸಿದ ಗ್ಯಾಸ್‌ ದುರಂತದಿಂದ ಅನೇಕರು ಮೃತಪಟ್ಟರು. ನಂತರ ಸರ್ಕಾರಗಳು ಕಾರ್ಖಾನೆಗಳಲ್ಲಿ ರಾಸಾಯನಿಕ ಬಳಸುವ ವಿಧಾನದಲ್ಲಿ ಸಾಕಷ್ಟು ನಿಯಂತ್ರಣ ಹೇರಿವೆ. ಆದರೂ ಈ ರಾಸಾಯನಿಕಗಳ ಬಳಕೆಯಲ್ಲಿ ನಿಯಂತ್ರಣಗಳು ಆದರೂ, ಬಹುತೇಕ ಬೃಹತ್‌ ಹಾಗೂ ಮಧ್ಯಮ ಗಾತ್ರದ ಉದ್ಯಮಗಳು ಇಂದಿಗೂ ಹಾನಿಕಾರಕ ರಾಸಾಯನಿಕಗಳನ್ನು ಬಳಸುತ್ತಿವೆ. ಈ ನಿಟ್ಟಿನಲ್ಲಿ ಸರ್ಕಾರಿ ಸ್ವಾಮ್ಯದ ಬಿಟಿಪಿಎಸ್‌ ಅತ್ಯಾಧುನಿಕ, ಪರಿಸರ ಸ್ನೇಹಿ ತಂತ್ರಜ್ಞಾನ ಅಳವಡಿಸಿಕೊಳ್ಳುತ್ತಿರುವುದು ಇತರೆ ಉದ್ಯಮಗಳಿಗೆ ಮಾದರಿಯಾಗಿದೆ. ಬಿಟಿಪಿಎಸ್‌ನ 700 ಮೆವ್ಯಾ ವಿದ್ಯುತ್‌ ಉತ್ಪಾದಿಸುವ 3ನೇ ಘಟಕಕ್ಕೆ ಅತ್ಯಾಧುನಿಕ ಓಝೋನೈಝೇಷನ್‌ ವ್ಯವಸ್ಥೆ ಅಳವಡಿಸಿಕೊಳ್ಳಲಾಗುತ್ತಿದೆ. ಕ್ರಮೇಣ ಈ ತಂತ್ರಜ್ಞಾನವನ್ನು ತಲಾ 500 ಮೆವ್ಯಾ ವಿದ್ಯುತ್‌ ಉತ್ಪಾದಿಸುವ ಉಳಿದ ಎರಡು ಘಟಕಗಳಿಗೂ ಅಳವಡಿಸಿಕೊಳ್ಳುವ ಚಿಂತನೆ ಇದೆ.
– ಎಸ್‌.ಮೃತ್ಯುಂಜಯ, ಇಡಿ, ಬಿಟಿಪಿಎಸ್‌. -ಎಂ.ಮುರಳಿಕೃಷ್ಣ