ಫೈರ್‌ನಿಂದ ಹೊರಬಂದ ಪ್ರಿಯಾಂಕ ಉಪೇಂದ್ರ

ಇತ್ತೀಚೆಗಷ್ಟೇ ಭಾರೀ ಸದ್ದು ಮಾಡುವುದರೊಂದಿಗೆ ಚಾಲನೆ ಗೊಂಡಿದ್ದ “ಫೈರ್‌’ (ಫಿಲಂ ಇಂಡಸ್ಟ್ರಿ ಫಾರ್‌ ರೈಟ್ಸ್‌ ಆ್ಯಂಡ್‌ ಈಕ್ವಾಲಿಟಿ) ಸಂಸ್ಥೆಯಿಂದ ನಟಿ ಪ್ರಿಯಾಂಕ ಉಪೇಂದ್ರ ಹೊರ ಬಂದಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಪ್ರಿಯಾಂಕ “ಕನ್ನಡ ಚಿತ್ರರಂಗದಲ್ಲಿನ ತಾರತಮ್ಯ ಮತ್ತು ಲೈಂಗಿಕ ಕಿರುಕುಳದ ವಿರುದ್ದ ಹೋರಾಟ ನಡೆಸುವ ಉದ್ದೇಶದಿಂದ ಪ್ರಾರಂಭವಾದ “ಫೈರ್‌’ ಸಂಸ್ಥೆ ತನ್ನ ನಿಲುವು,
ನೀತಿ-ನಿರೂಪಣೆಯಲ್ಲಿ ಸ್ಪಷ್ಟತೆ ಹೊಂದಿಲ್ಲ. ಶ್ರುತಿ ಹರಿಹರನ್‌ ಪ್ರಕರಣವನ್ನು ಬೇರೆ ನೆಲೆಗಟ್ಟಿನಲ್ಲಿ ನೋಡಿ, ಅದಕ್ಕೊಂದು ಪರಿಹಾರ ಕಂಡು ಕೊಳ್ಳುವ ಅವಕಾಶವಿದ್ದರೂ, ಸಂಸ್ಥೆ ಏಕಮುಖವಾಗಿ ವರ್ತಿಸಿ ಇಡೀ ಪ್ರಕರಣವನ್ನು ಮತ್ತಷ್ಟು ಗೊಂದಲ, ಜಟಿಲವಾಗುವಂತೆ ಮಾಡಿದೆ. 

“ಫೈರ್‌’ ಇನ್ನಷ್ಟು ವಿಸ್ತಾರವಾಗಿ ಯೋಚಿಸುವ ಅಗತ್ಯವಿದೆ. ಜೊತೆಗೆ ಮನಸ್ಥಿತಿ ಹೊಂದಾಣಿಕೆಯಾಗಬೇಕು. ಅಲ್ಲಿಯವರೆಗೆ ಇದರಿಂದ ಯಾವುದೇ ಪ್ರಯೋಜನವಾಗುವುದಿಲ್ಲ. ಏನೇ ಸಮಸ್ಯೆಗಳಿದ್ದರೂ ಅದನ್ನು ಗುಟ್ಟಾಗಿ ಪರಿಹರಿಸೋದು ಉದ್ದೇಶವಾಗಿತ್ತೇ ಹೊರತು, ಅದನ್ನು ಮಾಧ್ಯಮ ಮುಂದೆ, ತಂದು ಪ್ರಚಾರ ತೆಗೆದುಕೊಳ್ಳುವುದಾಗಿರಲಿಲ್ಲ. ಆದರೆ, ಈಗ ಆಗುತ್ತಿರುವುದೇ ಬೇರೆ. ಹಾಗಾಗಿ ಇದರಿಂದ
ಹೊರಬಂದಿದ್ದೇನೆ’ ಎಂದಿದ್ದಾರೆ.