“ಮಾಲಾಶ್ರೀ ಸೇರಿದಂತೆ ಆ್ಯಕ್ಷನ್‌ ಹೀರೋಯಿನ್‌ ಗಳಿಗೊಂದು ಹ್ಯಾಟ್ಸಾಫ್’ – ಹೀಗೆ ಹೇಳಿ ನಗೆ ಬೀರಿದರು ಪೂಜಾ ಗಾಂಧಿ. ನಟಿ ಪೂಜಾಗಾಂಧಿ ಹೀಗೆ ಹೇಳಲು ಕಾರಣ ಸಿನಿಮಾ ಚಿತ್ರೀಕರಣ ಸಮಯದಲ್ಲಿ ಅವರು ಪಟ್ಟ ಕಷ್ಟ.
ಹೌದು, ಪೂಜಾಗಾಂಧಿ “ಸಂಹಾರಿಣಿ’ ಎಂಬ ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಚಿತ್ರ ಈಗ ಬಿಡುಗಡೆಯ ಹಂತಕ್ಕೆ ಬಂದಿದೆ. ಇದು ಔಟ್‌ ಅಂಡ್‌ ಔಟ್‌ ಆ್ಯಕ್ಷನ್‌ ಸಿನಿಮಾ. ಪೂಜಾ ಇಷ್ಟು ದಿನ ಮಾಡಿರದಂತಹ ಸಿನಿಮಾ. ಈ ಚಿತ್ರದಲ್ಲಿ ಬರೋಬ್ಬರಿ ಆರು ಫೈಟ್‌ ಇದ್ದು, ಪೂಜಾ ಸಖತ್ತಾಗಿಯೇ ಫೈಟ್‌ ಮಾಡಿದ್ದಾರಂತೆ. ಆದರೆ, ಈ ಸಂದರ್ಭದಲ್ಲಿ ಅವರಿಗೆ ಸಾಕಷ್ಟು ಕಷ್ಟವಾಗಿದೆ. ಆಗ ಅವರಿಗೆ ನೆನಪಾಗಿದ್ದು ಮಾಲಾಶ್ರೀ ಹಾಗೂ ಇತರ ಆ್ಯಕ್ಷನ್‌ ಹೀರೋಯಿನ್‌ಗಳು.
ಇದನ್ನೂ ಓದಿ:ಸುಧಾರಾಣಿ ಸಿನಿಪಯಣಕ್ಕೆ 35ರ ಸಂಭ್ರಮ
“ಆ್ಯಕ್ಷನ್‌ ಸಿನಿಮಾ ಮಾಡೋದು ಸುಲಭಲ್ಲ. ಸಾಕಷ್ಟು ಕಷ್ಟಪಟಿದ್ದೇನೆ. ಮಾಲಾಶ್ರೀ ಮೇಡಂಗೊಂದು ಹ್ಯಾಟ್ಸಾಫ್. ಅವರು ಅಷ್ಟೊಂದು ಆ್ಯಕ್ಷನ್‌ ಸಿನಿಮಾಗಳನ್ನು ಮಾಡಿದ್ದಾರೆ. ಅದರ ಹಿಂದಿನ ಶ್ರಮ ನನನೆ ಈಗ ಅರ್ಥವಾಗುತ್ತಿದೆ. ಅವರನ್ನೆಲ್ಲಾ ಸ್ಫೂರ್ತಿಯಾಗಿ ತಗೊಂಡು ನಾನು ಈ ಸಿನಿಮಾದಲ್ಲಿ ಆ್ಯಕ್ಷನ್‌ ಮಾಡಿದೆ’ ಎನ್ನುತ್ತಾರೆ ಪೂಜಾಗಾಂಧಿ.
ಪೂಜಾ ಗಾಂಧಿ ಕೆರಿಯರ್‌ನ ಮೊದಲ ಆ್ಯಕ್ಷನ್‌ ಸಿನಿಮಾ “ಸಂಹಾರಿಣಿ’. ಈ ಅವಕಾಶ ಅವರಿಗೆ ಸಿಕ್ಕಿದ್ದು “ದಂಡುಪಾಳ್ಯ’ ಸಿನಿಮಾದಿಂದ. “ದಂಡುಪಾಳ್ಯ’ ಸಿನಿಮಾ ನೋಡಿದ ತಮಿಳಿನ ನಿರ್ಮಾಪಕರು ಈ ಸಿನಿಮಾ ಮಾಡಲು ಮುಂದಾದರಂತೆ. ಹಾಗಂತ ಆ ಸಿನಿಮಾಕ್ಕೂ “ಸಂಹಾರಿಣಿ’ಗೂ ಸಾಕಷ್ಟು ವ್ಯತ್ಯಾಸವಿದೆ ಎನ್ನುವುದು ಪೂಜಾ ಮಾತು.
ಈ ಚಿತ್ರದಲ್ಲಿ ಅಂಡರ್‌ವಾಟರ ಫೈಟ್‌, ಕಾಡು, ಸ್ವಿಮ್ಮಿಂಗ್‌ ಪೂಲ್‌.. ಹೀಗೆ ಸಾಕಷ್ಟು ಲೊಕೇಶನ್‌ಗಳಲ್ಲಿ ಫೈಟ್‌ ಮಾಡಿದ್ದಾರಂತೆ. “ಚಿತ್ರದಲ್ಲಿನ ವಿಲನ್‌ಗಳೆಲ್ಲರೂ ಆರಡಿ. ಅವರ ಜೊತೆ ಎಲ್ಲಾ ಫೈಟ್‌ ಮಾಡಿದ್ದೇನೆ. ಶೂಟಿಂಗ್‌ ಸಮಯ ಸಾಕಷ್ಟು ತಮಾಷೆಯಿಂದ ಕೂಡಿತ್ತು’ ಎನ್ನುತ್ತಾರೆ ಪೂಜಾ ಗಾಂಧಿ. ಈ ಚಿತ್ರದಲ್ಲಿ ಮಹಿಳೆಯರನ್ನು ಎದುರು ಹಾಕಿಕೊಂಡರೆ ಏನಾಗುತ್ತದೆ ಎಂಬ ಸಂದೇಶವೂ ಇದೆಯಂತೆ.
ಇದನ್ನೂ ಓದಿ: 65ರ ಹರೆಯದಲ್ಲೂ ಕಟ್ಟುಮಸ್ತಾದ ದೇಹ… ‘still I Am Fit’ ಎಂದ ಈ ಹಿರಿಯ ನಟ ಯಾರು ?
“2ಎಂ ಸಿನಿಮಾಸ್‌’ ಬ್ಯಾನರ್‌ನಲ್ಲಿ ಶಬರೀಶ್‌ ಕೆ.ವಿ. ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಜವಾಹರ್‌ ನಿರ್ದೇಶನ ಮಾಡುತ್ತಿದ್ದಾರೆ. ಇತ್ತೀಚೆಗೆ ಚಿತ್ರದ ಹಾಡು ಬಿಡುಗಡೆಯಾಗಿದೆ.
