Advertisement

ಮದುವೆ‌ ಯೋಚನೆ ಸದ್ಯಕ್ಕಿಲ್ಲ ಆದರೆ.. ʼಮೈನಾʼ ಬೆಡಗಿ ನಿತ್ಯಾ ಅಭಿಮಾನಿಗಳಿಗೆ ಹೇಳಿದ್ದೇನು ?

12:44 PM Jul 26, 2022 | Team Udayavani |

ಬಹುಭಾಷಾ ನಟಿ ನಿತ್ಯಾ ಮೆನನ್‌ ಅವರ ಮದುವೆ ಕುರಿತು ಕಳೆದ ಕೆಲ ದಿನಗಳ ಹಿಂದೆ ವದಂತಿ ಎಬ್ಬಿತ್ತು. ಇದೀಗ ನಟಿ ಎಲ್ಲಾ ವದಂತಿಗಳಿಗೆ ವಿಡಿಯೋ ಮೂಲಕ ತೆರೆ ಎಳೆದಿದ್ದಾರೆ.

Advertisement

ʼಮೈನಾʼ ಬೆಡಗಿ ನಿತ್ಯಾ ಮೆನನ್‌ ಸೌತ್‌ ಸಿನಿ ಇಂಡಸ್ಟ್ರಿಯಲ್ಲಿ ಬಹುಬೇಡಿಕೆಯ ನಟಿ. ಕನ್ನಡ, ತಮಿಳು, ಮಲಯಾಳಂ ಸೇರಿದಂತೆ ಹಲವು ಭಾಷೆಯಲ್ಲಿ ಅವರು ನಟಿಸಿದ್ದಾರೆ. ಕಳೆದ ಕೆಲ ದಿನಗಳಿಂದ ಅವರ ಬಗ್ಗೆ ಸೋಶಿಯಲ್‌ ಮೀಡಿಯಾದಲ್ಲಿ ಕೆಲವೊಂದು ವಿಚಾರಗಳು ಚರ್ಚೆಯಾಗುತ್ತಿವೆ. ಅದರಲ್ಲಿ ಅವರ ಮದುವೆ ಬಗ್ಗೆ ಹಬ್ಬಿದ ಸುದ್ದಿ ವೈರಲ್‌ ಆಗಿತ್ತು.

ಈ ಎಲ್ಲದರ ಬಗ್ಗೆ ಸ್ವತಃ ನಟಿ ನಿತ್ಯಾ ಮೆನನ್‌ ಅವರು ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡು ಸ್ಪಷ್ಟನೆ ಕೊಟ್ಟಿದ್ದಾರೆ.

ವಿಡಿಯೋದಲ್ಲಿ  ಅವರು, ನಾನು ಸದ್ಯಕ್ಕೆ ಮದುವೆಯಾಗುತ್ತಿಲ್ಲ, ಮದುವೆ ಬಗ್ಗೆ ಯಾವ ಯೋಚನೆಯನ್ನು ಮಾಡಿಲ್ಲ. ಇದೊಂದು ಕಟ್ಟುಕಥೆಯಷ್ಟೇ. ಯಾರೋ ಇದನ್ನು ನನಗೆ ತಿಳಿಯದೆ ಆರ್ಟಿಕಲ್‌ ಆಗಿ ಬರೆದಿದ್ದಾರೆ.  ಅದನ್ನೇ ಜನರು ಸತ್ಯವೆಂದು ನಂಬಿದ್ದಾರೆ. ನನ್ನ ಮನಸ್ಸಿನಲ್ಲಿ ಯಾರ ಚಿತ್ರಣವೂ ಇಲ್ಲ ಎಂದಿದ್ದಾರೆ.

ಇನ್ನು ಕೆಲ ದಿನಗಳ ಹಿಂದೆ ಅವರು ನಟನೆ ಬಿಡುತ್ತಾರೆ. ಮದುವೆ ಕಾರಣದಿಂದಲೇ ಈ ನಿರ್ಧಾರಕ್ಕೆ ಬಂದಿದ್ದಾರೆ ಎನ್ನುವ ಮಾತುಗಳು ಕೂಡ ಹಬ್ಬಿತ್ತು. ನಿತ್ಯಾ ಈ ಬಗ್ಗೆಯೂ ವಿಡಿಯೋದಲ್ಲಿ ಮಾತಾನಾಡಿದ್ದಾರೆ.

Advertisement

ನಾನು ನಟಿಸಿರುವ ಆರು ಸಿನಿಮಾಗಳು ರಿಲೀಸ್‌ ಗೆ ರೆಡಿಯಿವೆ. ಇನ್ನು ಕೆಲ ಸಿನಿಮಾಗಳನ್ನು ಮಾಡಿ ಶೂಟಿಂಗ್ ನಿಂದ ರಜೆ ತೆಗೆದುಕೊಳ್ಳಲಿದ್ದೇನೆ. ನಿರಂತರವಾಗಿ ಕೆಲಸ ಮಾಡುವುದರಿಂದ ಆಯಾಸಗೊಂಡಿದ್ದೇನೆ. ಒಂದು ವಿರಾಮ ಪಡೆದು ಮತ್ತೆ ಬರುತ್ತೇನೆ. ಈ ಸಮಯದಲ್ಲಿ ಪ್ರವಾಸ ಮಾಡಬೇಕೆಂದಿದ್ದೇನೆ ಎಂದು ಹೇಳಿದ್ದಾರೆ.

 

 

View this post on Instagram

A post shared by Nithya Menen (@nithyamenen)

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next