ಬೆಂಗಳೂರು : ಒಂದು ಕಾಲದಲ್ಲಿ ಸ್ಯಾಂಡಲ್ ವುಡ್ ನಲ್ಲಿ ‘ರೆಡಿಮೇಡ್ ಗಂಡ’ ನಾಗಿ,‘ಮುದ್ದಿನ ಮಾವ’ನ ಆಳಿಯನಾಗಿ, ‘ಯಜಮಾನ’ನ ಮನೆಯಲ್ಲಿ ಬೆಳೆದ ನಟ ಶಶಿಕುಮಾರ್ ಬಹು ದಿನಗಳ ಬಳಿಕ ಮತ್ತೆ ಬೆಳ್ಳೆತೆರೆಯಲ್ಲಿ ಬಣ್ಣ ಹಚ್ಚಲು ರೆಡಿ ಆಗಿದ್ದಾರೆ.
ಶಶಿಕುಮಾರ್ ಈಗಾಗಲೇ ಕೆಲ ಸಿನಿಮಾಗಳಲ್ಲಿ ನಟಿಸಲು ಸಹಿ ಹಾಕಿದ್ದಾರೆ. ಪೋಷಕ ಪಾತ್ರದಲ್ಲಿ ಅಭಿನಯಿಸಲು ಸಹಿ ಹಾಕಿರುವ ನಟ ಇದೀಗ ಶಂಕರ್ ಕೋನಮಳ್ಳಿ ನಿರ್ದೇಶನದ ಚೊಚ್ಚಲ ಸಿನಿಮಾ ‘ಶಂಭೋ ಶಿವ ಶಂಕರ’ ಚಿತ್ರದಲ್ಲಿ ಖಡಕ್ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾದಲ್ಲಿ ಶಶಿಕುಮಾರ್ ಅವರದ್ದು ಪ್ರಮುಖ ಪಾತ್ರವಂತೆ.
ಇದನ್ನೂ ಓದಿ : ಮ್ಯಾಚ್‌ ಫಿಕ್ಸಿಂಗ್‌: ಸ್ಪೇನ್‌ ಟೆನಿಸಿಗ ಎನ್ರಿಕ್‌ ಲೋಪೆಝ್ ಪೆರೆಝ್ ಗೆ 8 ವರ್ಷ ನಿಷೇಧ
ನಟ ಶಿವರಾಜ್ ಕುಮಾರ್ ಅಭಿನಯದ ‘ಶಿವಪ್ಪ’ ಚಿತ್ರದಲ್ಲಿ ಶಶಿಕುಮಾರ್ ಪೋಷಕ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಒಂದು ಕಾಲದಲ್ಲಿ ತನ್ನ ನಟನೆಯಿಂದ ಖ್ಯಾತಿಗಳಿಸಿದ್ದ ಶಶಿ ಕುಮಾರ್ ಕೆಲ ವರ್ಷ ಸಿನಿಮಾ ರಂಗದಿಂದ ದೂರ ಉಳಿದಿದ್ದರು. 2019 ರಲ್ಲಿ ಮುನ್ನಿರತ್ನ ಅವರ ಕುರಕ್ಷೇತ್ರದಲ್ಲಿ ಶಶಿ ಕುಮಾರ್ ನಟಿಸಿದ್ದರು. ಶಂಭೋ ಶಿವ ಶಂಕರ ಸಿನಿಮಾದಿಂದ ಮತ್ತೆ ಬಣ್ಣದ ಲೋಕಕ್ಕೆ ಕಾಲಿಡುತ್ತಿದ್ದಾರೆ.
ಶಶಿಕುಮಾರ್ ಪುತ್ರ ಅಕ್ಷಿತ್ ‘ಸೀತಾಯಣ’ ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಪ್ರವೇಶಿಸುತ್ತಿದ್ದು. ಚಿತ್ರದ ಪೋಸ್ಟರ್ ಗಳು ಗಮನ ಸೆಳೆದಿದೆ. ಸೀತಾಯಣ ಚಿತ್ರ ಕನ್ನಡದಲ್ಲಿ ಮಾತ್ರವಲ್ಲದೆ, ತಮಿಳು,ತೆಲುಗು,ಮಲೆಯಾಳಂ ಭಾಷೆಯಲ್ಲಿ ಬಿಡುಗಡೆಯಾಗಲಿದೆ.
