ಶರಣ್‌ ವಿಸಿಲ್ ‌ಟೈಟಲ್‌

ಕೆಲ ತಿಂಗಳ ಹಿಂದಷ್ಟೇ ನಿರ್ದೇಶಕ ತರುಣ್‌ ಸುಧೀರ್‌, ನಟ ಶರಣ್‌ ಅವರಿಗಾಗಿ ಹೊಸ ಸಿನಿಮಾ ಮಾಡುವುದಾಗಿ ಘೋಷಿಸಿದ್ದು ನಿಮಗೆ ಗೊತ್ತಿರಬಹುದು. ನಟ ಶರಣ್‌ಕೂಡ “ಪ್ರೊಡಕ್ಷನ್‌ ನಂ3′ ಹೆಸರಿನಲ್ಲಿ ಈ ವಿಸಿಲ್‌ ಚಿತ್ರವನ್ನು ಬಳಸಿ ಸಿನಿಮಾದ ಪೋಸ್ಟರ್‌ ಅನ್ನೂ ಬಿಡುಗಡೆ ಮಾಡಿದ್ದರು.

ಇದೀಗ ಈ ಚಿತ್ರದ ಟೈಟಲ್‌ ಅನೌನ್ಸ್‌ ಮಾಡಲು ಶರಣ್‌ ಮುಂದಾಗಿದ್ದಾರೆ. ಇಂದು ಈ ಹೊಸ ಚಿತ್ರದ ಟೈಟಲ್‌ ಸೋಶಿಯಲ್‌ ಮೀಡಿಯಾ ಮೂಲಕ ಅನಾವರಣ ಗೊಳಿಸಲಾಗುವುದು ಎಂದು ನಟ ಶರಣ್‌ ತಿಳಿಸಿದ್ದಾರೆ. ಇನ್ನು ಈ ಚಿತ್ರವನ್ನು ಜಗದೀಶ್‌ ಹಂಪಿ ನಿರ್ದೇಶನ ಮಾಡುತ್ತಿದ್ದು, ಚಿತ್ರದ ಟೈಟಲ್‌ ಜೊತೆಗೆ,ಕಲಾವಿದರು ಮತ್ತು ತಂತ್ರಜ್ಞರ ಬಗ್ಗೆ ಹೆಚ್ಚಿನ ಮಾಹಿತಿ ಇಂದು ಹೊರಬೀಳುವ ಸಾಧ್ಯತೆ ಇದೆ.

ಆಕ್ಟ್ ಗೆ 25ರ ಸಂಭ್ರಮ :

ಯಜ್ಞಾ ಶೆಟ್ಟಿ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ “ಆಕ್ಟ್ 1978′ ಚಿತ್ರ 25 ದಿನಗಳನ್ನು ಪೂರೈಸಿದೆ. ಕೋವಿಡ್ ಬಳಿಕ ಬಿಡುಗಡೆಯಾಗಿಯಶಸ್ವಿಯಾಗಿ 25 ದಿನಗಳನ್ನು ಪೂರೈಸಿದ ಹೆಮ್ಮೆ ಈ ಚಿತ್ರದ್ದು. ಇತ್ತೀಚೆಗೆ ಚಿತ್ರತಂಡ ಈ ಸಂಭ್ರಮವನ್ನು ಚಿತ್ರತಂಡ ಆಚರಿಸಿತು. ನಿರ್ದೇಶಕ ಮಂಸೋರೆ, ನಿರ್ಮಾಪಕ ದೇವರಾಜ್‌, ಹಿರಿಯ ನಟ ಬಿ. ಸುರೇಶ್‌, ನಟ ಪ್ರಮೋದ್‌ ಸೇರಿದಂತೆ ಚಿತ್ರತಂಡ ಚಿತ್ರ ಗೆದ್ದ ಬಗ್ಗೆ ಖುಷಿ ಹಂಚಿಕೊಂಡಿತು.