ಜಸ್ಟ್‌ ಪಾಸ್‌ ಚಿತ್ರಕ್ಕೆ ಶರಣ್‌ ಗಾಯನ

ನಟ ಶರಣ್‌ ನಟನೆಯ ಜೊತೆಗೆ ಗಾಯಕರಾಗಿಯೂ ಸಿನಿಮಾಗಳಿಗೆ ಹಾಡುತ್ತಿದ್ದಾರೆ. ಸದ್ಯ ಕೆ.ಎಂ.ರಘು ನಿರ್ದೇಶನದ “ಜಸ್ಟ್‌ ಪಾಸ್‌’ ಚಿತ್ರಕ್ಕಾಗಿ ಡಾ.ವಿ.ನಾಗೇಂದ್ರ ಪ್ರಸಾದ್‌ ಬರೆದಿರುವ “ಎಕ್ಸ್‌ಕ್ಯೂಸ್‌ ಮಿ ಕೇಳಿ ನನ್ನ ಲೆಕ್ಚರು… ಜಸ್ಟ್‌ ಪಾಸ್‌ ಆಗೋದಿಲ್ಲ ನಿಮ್ಮ ಫ್ಯೂಚರು’ ಎಂಬ ಹಾಡನ್ನು ಶರಣ್‌ ಹಾಡಿದ್ದಾರೆ.

ಹರ್ಷವರ್ಧನ್‌ ರಾಜ್‌ ಸಂಗೀತ ನೀಡಿದ್ದಾರೆ. ಈ ಹಾಡಿನಲ್ಲಿ ಸಾಧುಕೋಕಿಲ ಅಭಿನಯಿಸಿದ್ದಾರೆ. ರಾಯ್ಸ್ ಎಂಟರ್‌ಟೈನ್‌ ಮೆಂಟ್‌ ಲಾಂಛನದಲ್ಲಿ ಕೆ.ವಿ.ಶಶಿಧರ್‌ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ನಿರ್ದೇಶಕ ಕೆ.ಎಂ.ರಘು ಅವರೆ ಕಥೆ, ಚಿತ್ರಕಥೆ ಬರೆದಿದ್ದಾರೆ.

ಶ್ರೀ ಚಿತ್ರದ ನಾಯಕನಾಗಿ ಅಭಿನಯಿಸಿದ್ದಾರೆ. ನಾಯಕಿ ಪ್ರಣತಿ ಈ ಚಿತ್ರದ ನಾಯಕಿ. ಸಾಧುಕೋಕಿಲ, ರಂಗಾಯಣ ರಘು, ಸುಚೇಂದ್ರ ಪ್ರಸಾದ್‌, ಪ್ರಕಾಶ್‌ ತುಮ್ಮಿನಾಡು, ಗೋವಿಂದೇಗೌಡ ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.