Advertisement

7 ಗಂಟೆ ವಿಚಾರಣೆ ಎದುರಿಸಿದ ಬಾಲಿವುಡ್‌ ನಟಿ ನೋರಾ ಫ‌ತೇಹಿ

09:24 PM Sep 03, 2022 | Team Udayavani |

ನವದೆಹಲಿ: ಬೆಂಗಳೂರು ಮೂಲದ ವಂಚಕ ಸುಕೇಶ್‌ ಚಂದ್ರಶೇಖರ್‌ನ 200 ಕೋಟಿ ರೂ. ಸುಲಿಗೆ ಪ್ರಕರಣಕ್ಕೆ ಸಂಬಂಧಿಸಿ ದೆಹಲಿ ಪೊಲೀಸರು ಬಾಲಿವುಡ್‌ ನಟಿ ನೋರಾ ಫ‌ತೇಹಿ ಅವರನ್ನು ವಿಚಾರಣೆ ನಡೆಸಿದ್ದಾರೆ.

Advertisement

ಪೊಲೀಸ್‌ ಇಲಾಖೆಯ ಆರ್ಥಿಕ ಅಪರಾಧಗಳ ಘಟಕದ (ಇಒಡಬ್ಲೂé) ಅಧಿಕಾರಿಗಳು ದೆಹಲಿ ಕಚೇರಿಯಲ್ಲಿ 7 ತಾಸುಗಳ ಕಾಲ ನಟಿಯ ವಿಚಾರಣೆ ಕೈಗೊಂಡಿದ್ದಾರೆ.

ಸುಕೇಶ್‌ರಿಂದ ನಟಿ ಪಡೆದಿರುವ ಉಡುಗೊರೆಗಳ ಮಾಹಿತಿ ಪಡೆಯಲಾಗಿದೆ. ಹಾಗೆಯೇ ಇದೇ ಪ್ರಕರಣದಲ್ಲಿ ಜಾರಿ ನಿರ್ದೇಶನಾಲಯವು ಆರೋಪಿ ಎಂದು ಹೆಸರಿಸಿರುವ ಮತ್ತೋರ್ವ ನಟಿ ಜಾಕ್ವೆಲಿನ್‌ ಫ‌ರ್ನಾಂಡಿಸ್‌ಗೂ ಸೆ.12ರಂದು ವಿಚಾರಣೆಗೆ ಹಾಜರಾಗುವಂತೆ ಸಮನ್ಸ್‌ ಜಾರಿ ಮಾಡಲಾಗಿದೆ.

ಸ್ಕ್ರಿಪ್ಟ್ ಗೆ ಹಣ:
ಇದೇ ವೇಳೆ ತಾನು ನಿರ್ಮಿಸಬೇಕಿದ್ದ ವೆಬ್‌ ಸೀರಿಸ್‌ ಒಂದರ ಕಥೆ ಬರೆಯುವುದಕ್ಕೆಂದು ಚಿತ್ರಕಥೆಗಾರ್ತಿ ಅದ್ವಿತಾ ಕಲಾ ಅವರಿಗೆ ಸುಕೇಶ್‌ ದೊಡ್ಡ ಪ್ರಮಾಣದ ಹಣ ಕೊಟ್ಟಿದ್ದರು ಎಂದು ನಟಿ ಜಾಕ್ವೆಲಿನ್‌ ಒಪ್ಪಿಕೊಂಡಿದ್ದಾರೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ. ಈ ಬಗ್ಗೆ ಅದ್ವಿತಾ ಕಲಾ ಅವರು ಈ ಹಿಂದೆಯೇ ಉತ್ತರಿಸಿದ್ದು, 2021ರಲ್ಲಿ ನಟಿಗೆ ಓರ್ವ ವ್ಯಕ್ತಿ ಬಳಿ 17 ಲಕ್ಷ ರೂ. ಕಳುಹಿಸಿಕೊಟ್ಟಿದ್ದರು. ನಂತರ ಮತ್ತೆ 15 ಲಕ್ಷ ರೂ. ಹಣವನ್ನು ಇನ್ನೋರ್ವರ ಮೂಲಕ ನನಗೆ ತಲುಪಿಸಿದ್ದರು ಎಂದಿದ್ದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next