ಬೆಂಗಳೂರು: ನಟ ದರ್ಶನ್‌ಗೆ ಮತ್ತೂಂದು ಸಂಕಷ್ಟ ಎದುರಾಗಿದ್ದು, ಜೈಲಿನ ನಿಯಮಗಳ ಉಲ್ಲಂಘನೆ ಆರೋಪದ ಮೇಲೆ ಜೈಲಿನ ಅಧಿಕಾರಿಯೊಬ್ಬರು ದರ್ಶನ್ ವಿರುದ್ಧ ಮತ್ತೂಂದು ದೂರು ದಾಖಲಿಸಿದ್ದಾರೆ.
ಜೈಲಿನಲ್ಲಿ ರೌಡಿಶೀಟರ್‌ ಬೇಕರಿ ರಘು ಜತೆ ದರ್ಶನ್ ಬೆಡ್‌ ಮೇಲೆ ಕುಳಿತು ಮೊಬೈಲ್‌ ನೋಡುತ್ತಾ ಹರಟೆ ಹೊಡೆಯುತ್ತಿರುವ ಫೋಟೋ ವೈರಲ್ ಆಗಿತ್ತು.
ಈ ಸಂಬಂಧ ಜೈಲಿನ ಅಧಿಕಾರಿಯೊಬ್ಬರು ಪರಪ್ಪನ ಅಗ್ರಹಾರ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ. ಇದಕ್ಕಾಗಿ ಪ್ರತ್ಯೇಕ ಎಫ್ಐಆರ್‌ ದಾಖಲಿಸುವುದಿಲ್ಲ. ಈಗಾಗಲೇ ದಾಖಲಾಗಿರುವ ಎರಡು ಪ್ರತ್ಯೇಕ ಪ್ರಕರಣಗಳಲ್ಲೇ ಈ ದೂರನ್ನು ಹೆಚ್ಚುವರಿಯಾಗಿ ಸೇರಿಕೊಂಡು ತನಿಖೆ ನಡೆಸಲಾಗುತ್ತದೆ ಎಂದು ಪೊಲೀಸರು ಹೇಳಿದರು.
ಪ್ರತಿಕ್ರಿಯಿಸಬೇಡಿ: ಅಭಿಮಾನಿಗಳಿಗೆ ಮನವಿ
ಬೆಂಗಳೂರು: ದರ್ಶನ್ ಕೊಲೆ ಆರೋಪದ ಮೇಲೆ ಸದ್ಯ ಜೈಲಿನಲ್ಲಿರುವ ಹಿನ್ನೆಲೆ, ಅವರ ಅಭಿಮಾನಿಗಳು ಹಲವೆಡೆ ಹೇಳಿಕೆ, ಪ್ರತಿಕ್ರಿಯೆ ನೀಡುವುದು ಹೆಚ್ಚಾಗುತ್ತಿದೆ. ಇದರಿಂದ ವಿವಾದ, ಗೊಂದ ಲಗಳೂ ಸೃಷ್ಟಿಯಾಗುತ್ತಿವೆ. ಇದಕ್ಕೆ ತಡೆಯೊಡ್ಡಲು ದರ್ಶನ್ ಅಭಿಮಾನಿ ಸಂಘದ ಅಧಿಕೃತ ಡಿ ಕಂಪನಿ ಟ್ವಿಟರ್‌ ಪೇಜ್‌ನಲ್ಲಿ ಮನವಿ ಮಾಡಲಾಗಿದೆ.
“ನಮ್ಮ ಪ್ರೀತಿಯ ಡಿ ಬಾಸ್ ಆರೋಪ ಮುಕ್ತರಾಗಿ ಬರು ವವರೆಗೂ ಮಾಧ್ಯಮ ಹಾಗೂ ಬೇರೆ ನಟರ ಅಭಿಮಾನಿಗಳ ಕ್ರಿಯೆಗಳಿಗೆ ಪ್ರತಿ ಕ್ರಿಯೆ ಬೇಡ.ು. ನಮ್ಮಿಂದ ಬಾಸ್‌ಗೆ ತೊಂದರೆಯಾಗದಿರಲಿ’ ಎಂಬ ಮನವಿ ಮಾಡಿರುವ ಪೋಸ್ಟ್‌ ಸದ್ಯ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
