ತೆರಿಗೆ ಪಾವತಿ ಮಾಹಿತಿ ಸಂಗ್ರಹಕ್ಕೆ ಕ್ರಮ

ಹೊಸದಿಲ್ಲಿ: ಬ್ಯಾಂಕ್‌ಗಳು, ಸ್ಟಾಕ್‌ ಎಕ್ಸ್‌ಚೇಂಜ್‌ಗಳು, ಕಂಪೆನಿಗಳು ಬೃಹತ್‌ ಪ್ರಮಾಣದ ಹಣ ಹೂಡಿಕೆ ವಹಿವಾಟುಗಳ ಮಾಹಿತಿಯನ್ನು ತೆರಿಗೆ ಇಲಾಖೆಯ ನಿಯೋಜಿತ ಅಧಿಕಾರಿ ಕೇಳಿದ ಸಂದರ್ಭಗಳಲ್ಲೆಲ್ಲ ಒದಗಿಸಬೇಕು ಎಂಬ ಹೊಸ ನಿಯಮ ಜಾರಿಗೆ ಬಂದಿದೆ.

ತೆರಿಗೆ ಪಾವತಿದಾರರ ದತ್ತಾಂಶ ಸಂಗ್ರಹವನ್ನು ಚುರುಕುಗೊಳಿಸುವುದಕ್ಕಾಗಿ ಈ ನಿಯಮ ಅನುಷ್ಠಾನಗೊಳಿಸಲಾಗಿದೆ. ಈ ಹಿಂದೆ ಈ ಸಂಸ್ಥೆಗಳು ತಮ್ಮ ಗ್ರಾಹಕರ ವ್ಯವಹಾರ ಮಾಹಿತಿಗಳನ್ನು ಮಾ. 31 ಅಥವಾ ಅದಕ್ಕೆ ಮುನ್ನ ನೀಡಿದರೆ ಸಾಕಿತ್ತು.