ತೆಕ್ಕಟ್ಟೆಯಲ್ಲಿ ಅಪಘಾತ: 4 ವಾಹನ ಜಖಂ

ತೆಕ್ಕಟ್ಟೆ: ರಾ. ಹೆ. 66ರ ತೆಕ್ಕಟ್ಟೆ  ಜಂಕ್ಷನ್‌ನಲ್ಲಿ ವಾಹನ ತಪಾಸಣೆ ಸಂದರ್ಭ ಸರಣಿ ಅಪಘಾತ ಸಂಭವಿಸಿ ನಾಲ್ಕು ವಾಹನಗಳು ಜಖಂಗೊಂಡಿರುವ  ಘಟನೆ ಬುಧವಾರ ಸಂಭವಿಸಿದೆ. ಕುಂದಾಪುರ ದಿಂದ ಉಡುಪಿ ಕಡೆಗೆ ಸಾಗುತ್ತಿದ್ದ ಲಾರಿ ತವೇರಾ ವಾಹನಕ್ಕೆ  ಢಿಕ್ಕಿಯಾಯಿತು. ಈ ಘಟನೆಯ ಕೆಲವೇ ಹೊತ್ತಿನಲ್ಲಿ ಮತ್ತೂಂದು ಲಾರಿ ಸ್ಯಾಂಟ್ರೋ ಕಾರಿಗೆ ಢಿಕ್ಕಿ ಹೊಡೆದಿದೆ.

ಪೊಲೀಸ್‌ ಹಾಗೂ ಸಾರ್ವ ಜನಿಕರ ನಡುವೆ ಚಕಮಕಿ:  ವಿಧಾನ ಸಭಾ ಚುನಾವಣೆ  ಹಿನ್ನೆಲೆಯಲ್ಲಿ ತೆಕ್ಕಟ್ಟೆಯ ಪ್ರಮುಖ ಭಾಗದಲ್ಲಿ ಕೋಟ  ಠಾಣಾ ವ್ಯಾಪ್ತಿಯಲ್ಲಿ ವಾಹನ ತಪಾಸಣಾ ಕೇಂದ್ರವು ಮಾ.27ರಂದು ಆರಂಭ ಗೊಂಡಿದೆ. ತಪಾಸಣೆ ಸಂದರ್ಭದಲ್ಲಿ  ವಾಹನಗಳ ಓವರ್‌ಟೇಕ್‌ ಭರಾಟೆಯಿಂದಾಗಿ ದಿನಕ್ಕೆ ಒಂದೆರಡು ಅಪಘಾತಗಳು ಸಂಭವಿಸುತ್ತಿವೆ. ರಾ. ಹೆ. 66ರಲ್ಲಿ ಸಂಚರಿಸುವ ಎಲ್ಲ ವಾಹನಗಳನ್ನು ದಿನಪೂರ್ತಿ ತಪಾಸಣೆ ನಡೆಸುವ  ಕಾರಣ ಕಿ.ಮೀ. ಉದ್ದದ ವಾಹನ ಸಾಲು ಕಂಡುಬರುತ್ತಿದೆ. ಇದರಿಂದಾಗಿ ಸಾರ್ವಜನಿಕರು  ಹಾಗೂ ವಾಹನ ಸವಾರರು ತೀವ್ರ ತೊಂದರೆ ಅನುಭವಿಸುವಂತಾಗಿದೆ. ಈ ಬಗ್ಗೆ ಸೂಕ್ತ ಕ್ರಮ ಕೈಗೊಳ್ಳುವಂತೆ ಕರ್ತವ್ಯ ನಿರತ ಪೊಲೀಸರಲ್ಲಿ  ಸಾರ್ವಜನಿಕರು ಆಗ್ರಹಿಸುತ್ತಿದ್ದಂತೆ ಸ್ವಲ್ಪಮಟ್ಟಿನ ಮಾತಿನ ಚಕಮಕಿ ನಡೆಯಿತು.

ವೇಗಕ್ಕೆ ನಿಯಂತ್ರಣ ಅಗತ್ಯ
ಇಲ್ಲಿ ವಾಹನಗಳು ಮಿತಿಮೀರಿದ ವೇಗದಲ್ಲಿ  ಸಾಗುತ್ತಿದ್ದು, ಅದಕ್ಕೆ ನಿಯಂತ್ರಣ ವಿಧಿಸಬೇಕಾದ ಅಗತ್ಯ ಇದೆ ಎಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.