ಟ್ರಂಪ್‌ರಿಂದ ಅಧಿಕಾರ ದುರುಪಯೋಗ

ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ವಿರುದ್ಧ ಭಾರತೀಯ ಮೂಲದ ಅಮೆರಿಕ ಸಂಸದೆ ಪ್ರಮೀಳಾ ಜಯಪಾಲ್‌ ವಾಗ್ಧಾಳಿ ನಡೆಸಿದ್ದಾರೆ.

ತನ್ನ ಅಧಿಕಾರವನ್ನು ದುರುಪಯೋಗ ಪಡಿಸಿಕೊಳ್ಳುತ್ತಿರುವ ವ್ಯಕ್ತಿಯನ್ನು ವಿರೋಧಿಸದಿದ್ದರೆ, ಅದು ಅಪಾಯಕಾರಿ ಸಂದೇಶವನ್ನು ಭವಿಷ್ಯಕ್ಕೆ ಉಳಿಸಿದಂತಾಗುತ್ತದೆ ಎಂದು ಭಾರತ-ಅಮೆರಿಕ ಸಮುದಾಯದ ಸಂಸದೆ ತಿಳಿಸಿದ್ದಾರೆ.

ಟ್ರಂಪ್‌ಗೆ ವಾಗ್ಧಂಡನೆ ವಿಧಿಸುವ ನಿಲುವಳಿ ಹಿನ್ನೆಲೆಯಲ್ಲಿ ನಡೆದ, ಅತ್ಯಂತ ಮಹತ್ವದ ಸಂಸದೀಯ ನ್ಯಾಯ ಸಮಿತಿ ವಿಚಾರಣೆ ವೇಳೆ ಪ್ರಮೀಳಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಟ್ರಂಪ್‌ರನ್ನು ಈಗ ವಿರೋಧಿಸದಿದ್ದರೆ, ಭವಿಷ್ಯದಲ್ಲಿ ಎಲ್ಲ ಅಧ್ಯಕ್ಷರು ತಮ್ಮ ಸ್ವಹಿತವನ್ನೇ ಜನರ ಎದುರು ಮಂಡಿಸಬಹುದು ಎಂದಿದ್ದಾರೆ.