ದ್ವಿತೀಯ ಟೆಸ್ಟ್‌ ಪಂದ್ಯ  : ಅಬಿದ್‌ ಅಲಿ ದ್ವಿಶತಕ

ಹರಾರೆ : ಆರಂಭಕಾರ ಅಬಿದ್‌ ಅಲಿ ಅವರ ಚೊಚ್ಚಲ ದ್ವಿಶತಕ ಹಾಗೂ ವನ್‌ಡೌನ್‌ ಬ್ಯಾಟ್ಸ್‌ ಮನ್‌ ಅಜರ್‌ ಅಲಿ ಅವರ ಶತಕ ಸಾಹಸದಿಂದ ಜಿಂಬಾಬ್ವೆ ಎದುರಿನ ದ್ವಿತೀಯ ಟೆಸ್ಟ್‌ ಪಂದ್ಯದಲ್ಲಿ ಪಾಕಿಸ್ಥಾನ 8 ವಿಕೆಟಿಗೆ 510 ರನ್‌ ಪೇರಿಸಿ ಡಿಕ್ಲೇರ್‌ ಮಾಡಿದೆ.

ಜವಾಬಿತ್ತ ಜಿಂಬಾಬ್ವೆ ಎರಡನೇ ದಿನದಾಟದ ಮುಕ್ತಾಯಕ್ಕೆ 4ಕ್ಕೆ 52 ರನ್‌ ಮಾಡಿ ಸಂಕಟಕ್ಕೆ ಸಿಲುಕಿದೆ.

ಅಬಿದ್‌ ಅಲಿ ಅಜೇಯರಾಗಿ ಉಳಿದು 215 ರನ್‌ ಬಾರಿಸಿದರು. 407 ಎಸೆತಗಳ ಈ ಮ್ಯಾರಥಾನ್‌ ಇನ್ನಿಂಗ್ಸ್‌ನಲ್ಲಿ 29 ಬೌಂಡರಿ ಒಳಗೊಂಡಿತ್ತು. ಅಜರ್‌ ಅಲಿ 126 ರನ್‌ ಹೊಡೆದರು. ಕೆಳ ಸರದಿಯ ಆಟಗಾರ ನೌಮಾನ್‌ ಅಲಿ 97 ರನ್ನಿಗೆ ಔಟ್‌ ಆದೊಡನೆ ಪಾಕಿಸ್ಥಾನ ಇನ್ನಿಂಗ್ಸ್‌ ಡಿಕ್ಲೇರ್‌ ಮಾಡಿತು.