ಅಭ್ಯುದಯ ಬ್ಯಾಂಕ್‌ನಿಂದ ಕ್ಯಾಶ್‌ ಟುಡೇ ಡಿಜಿಟಲ್‌ ಟುಮಾರೋ ಅಭಿಯಾನ 

ಮುಂಬಯಿ: ಅಭ್ಯುದಯ ಕೋ. ಆಪರೇಟಿವ್‌ ಬ್ಯಾಂಕ್‌ ವತಿಯಿಂದ ಕ್ಯಾಶ್‌ ಟುಡೇ ಡಿಜಿಟಲ್‌ ಟುಮಾರೋ ಕಾರ್ಯಕ್ರಮದ ಅಂಗವಾಗಿ ಸಾರ್ವಜನಿಕ ಅಭಿಯಾನ ಕಾರ್ಯಕ್ರಮಕ್ಕೆ ಇತ್ತೀಚೆಗೆ ಚಾಲನೆ ನೀಡಲಾಯಿತು.

ಸಿಡಿಎಸ್‌ಎಲ್‌ ಸಂಸ್ಥೆಯ ಮಾಜಿ ಮುಖ್ಯಸ್ಥ ಸಿ. ಎಸ್‌. ಠಾಕೂರ್‌ ಅವರು ಈ ಸಂದರ್ಭದಲ್ಲಿ ಮಾತನಾಡಿ, ಇಂದಿನ ಆಧುನಿಕ ಯುಗದಲ್ಲಿ ಕ್ಯಾಶ್‌ ಟುಡೇ ಡಿಜಿಟಲ್‌ ಟುಮಾರೋ ಅಭಿಯಾನ ಅನಿವಾರ್ಯವಾಗಿದೆ. ಅಭ್ಯುದಯ ಕೋ. ಆಪರೇಟಿವ್‌ ಬ್ಯಾಂಕ್‌ ಇದಕ್ಕೆ ಸಂಪೂರ್ಣವಾಗಿ ಹೊಂದಿಕೊಂಡು ಅಭಿಯಾನವನ್ನು ಕೈಗೊಂಡಿರುವುದು ಹೆಮ್ಮೆಯ ವಿಷಯವಾಗಿದೆ. ಈ ಅಭಿಯಾನವನ್ನು ಎಲ್ಲಾ ಆರ್ಥಿಕ ಸಂಸ್ಥೆಗಳು ಸಂಪೂರ್ಣವಾಗಿ ಬೆಂಬಲಿಸಿದಾಗ ಮಾತ್ರ ಅದಕ್ಕೊಂದು ಅರ್ಥ ಬರುತ್ತದೆ ಎಂದು ನುಡಿದು ಬ್ಯಾಂಕಿನ ಕಾರ್ಯವೈಖರಿಯನ್ನು ಶ್ಲಾಘಿಸಿದರು.

ಬ್ಯಾಂಕಿನ ಡೆಪ್ಯೂಟಿ ಜನರಲ್‌ ಮ್ಯಾನೇಜರ್‌ ಡಿ. ಕೆ. ಮೆವಾಡಾ ಅವರು ಮಾತನಾಡಿ, ಅಭ್ಯುದಯ ಬ್ಯಾಂಕ್‌ ಗ್ರಾಹಕರ ಹಿತದೃಷ್ಟಿಯಿಂದ ಹಲವಾರು ಯೋಜನೆಗಳನ್ನು ಅನುಷ್ಠಾನಕ್ಕೆ ತಂದಿದೆ. ಇದರ ಪ್ರಯೋಜನವನ್ನು ಗ್ರಾಹಕರು ಪಡೆದುಕೊಳ್ಳಬೇಕು ಎಂಬ ದೃಷ್ಟಿಯಿಂದ ಕ್ಯಾಶ್‌ ಟುಡೆ ಡಿಜಿಟಲ್‌ ಟುಮಾರೋ ಅಭಿಯಾನವನ್ನು ಕೈಗೊಳ್ಳಲಾಗಿದೆ. ಬ್ಯಾಂಕ್‌ 2017, ಮಾರ್ಚ್‌ 31 ವರೆಗೆ ಹೌಸಿಂಗ್‌ ಲೋನ್‌, ಪರ್ಸನಲ್‌ ಲೋನ್‌, ಗೋಲ್ಡ್‌ ಲೋನ್‌, ಹೌಸಿಂಗ್‌ ರಿಪೇರ್‌ ಲೋನ್‌, ವೆಹಿಕಲ್‌ ಲೋನ್‌ಗಳ ಸರ್ವಿಸ್‌ ಚಾರ್ಜ್‌ಗಳನ್ನು ತೆಗೆದು ಹಾಕಲಾಗಿದ್ದು, ಇದರ ಸದುಪಯೋಗವನ್ನು ಎಲ್ಲರು ಪಡೆದುಕೊಳ್ಳಬೇಕು ಎಂದರು. ಮಧುಸೂದನ್‌ ರಾಜ್‌ಕಪೂರ್‌ ವಂದಿಸಿದರು.ಬ್ಯಾಂಕ್‌ ಪದಾ ಧಿಕಾರಿಗಳು  ಮತ್ತಿತರರಿದ್ದರು.