ಕನ್ನಡ ಚಿತ್ರರಂಗದ ಹೆಸರಾಂತ ನಟ, ನಿರ್ದೇಶಕ ಕಾಶೀನಾಥ್‌ ಅವರ ಮಗ ಅಭಿಮನ್ಯು ಕೂಡ ಚಿತ್ರರಂಗದಲ್ಲಿ ಈಗ ಬಿಝಿಯಾಗಿದ್ದಾರೆ. ಅವರ ನಟನೆಯ “ಎಲ್ಲಿಗೆ ಪಯಣ ಯಾವುದೋ ದಾರಿ’ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. ಇದರ ಬೆನ್ನಲ್ಲೇ “ಅಭಿಮನ್ಯು ಸನ್‌ ಆಫ್ ಕಾಶೀನಾಥ್‌’ ಎಂಬ ಸಿನಿಮಾದಲ್ಲಿ ನಟಿಸಲು ಮುಂದಾಗಿದ್ದಾರೆ.
ಇತ್ತೀಚೆಗೆ ಬೆಂಗಳೂರಿನ ಸಹಕಾರ ನಗರದ ಛೇರ್ಮನ್‌ ಕ್ಲಬ್‌ನಲ್ಲಿ ಚಿತ್ರದ ಮುಹೂರ್ತ ನೆರವೇರಿತು. ನಟ ಕೋಮಲ್‌ ಚಿತ್ರಕ್ಕೆ ಕ್ಲಾಪ್‌ ಮಾಡಿ ಚಿತ್ರತಂಡಕ್ಕೆ ಶುಭಕೋರಿದರು.
ನಟ ಅಭಿಮನ್ಯು ಮಾತನಾಡಿ, “ನಿರ್ದೇಶಕ ರಾಜ್‌ ಮುರಳಿಯವರು ಅಪ್ಪನ ಜಾನರ್‌ ಇಟ್ಕೊಂಡು ಈಗಿನ ಕಾಲದ ಹುಡುಗರಿಗೆ ಮಾಡಿದರೆ ಹೇಗಿರುತ್ತೆ? ಅದನ್ನು ನಿಮ್ಮನ್ನು ಇಟ್ಕೊಂಡು ಪ್ಲಾನ್‌ ಮಾಡಿಕೊಂಡಿದ್ದೀನಿ ಅಂದರು. ಅಪ್ಪ ಇದ್ದಾಗ ನನಗೆ ಬರುತ್ತಿದ್ದ ಆಫ‌ರ್‌ ಇಂತಹದ್ದೇ. ಅಪ್ಪ ಡೈರೆಕ್ಷನ್‌ ಮಾಡಬೇಕು. ನಾನು ಆಕ್ಟಿಂಗ್‌ ಮಾಡಬೇಕು. ಅನಂತನ ಅವಾಂತರ ಪಾರ್ಟ್‌ 2, ಅನುಭವ ಪಾರ್ಟ್‌ 2 ಮಾಡಬೇಕು, ಇದೇ ರೀತಿ ಹೆಚ್ಚು ಅವಕಾಶ ಬರುತ್ತಿತ್ತು. ಆದರೆ, ಆ ಪಾತ್ರಗಳು ನನಗೆ ಸೂಕ್ತವೆನಿಸುತ್ತಿರಲಿಲ್ಲ. ಈಗ ಅಪ್ಪನ ರೀತಿಯ ಸಿನಿಮಾ ಮಾಡುವ ವಿಶ್ವಾಸ ಬಂದಿದೆ’ ಎಂದರು.
ಸದ್ಯ ಚಿತ್ರದ ಫ‌ಸ್ಟ್ ಲುಕ್‌ ಬಿಡುಗಡೆ ಯಾಗಿದೆ. ಇದು ಹೊಸ ಅನುಭವ ಎಂಬ ಅಡಿ ಬರಹ ಚಿತ್ರಕ್ಕಿದೆ. ರಾಜ್‌ ಮುರಳಿ ನಿರ್ದೇಶನದ ಈ ಸಿನಿ ಮಾವನ್ನು ಐಸಿರಿ ಪ್ರೊಡಕ್ಷನ್‌ನಡಿ ಮಾರಪ್ಪ ಶ್ರೀನಿವಾಸ್‌ ನಿರ್ಮಿಸುತ್ತಿದ್ದಾರೆ. ಸ್ಪಂದನ ಸೋಮಣ್ಣ, ವಿಜಯಶ್ರೀ ಕಲ್ಬುರ್ಗಿ ಚಿತ್ರದಲ್ಲಿ ನಟಿಸಿದ್ದಾರೆ. ನವೆಂಬರ್‌ನಿಂದ ಚಿತ್ರದ ಶೂಟಿಂಗ್‌ ಆರಂಭವಾಗಲಿದೆ. ಚಿಕ್ಕಮಗಳೂರು, ಮೈಸೂರು, ಹೈದ್ರಾಬಾದ್‌ ಮುಂತಾದ ಕಡೆ ಚಿತ್ರೀಕರಣ ನಡೆಸಲು ಚಿತ್ರತಂಡ ಯೋಜನೆ ಹಾಕಿಕೊಂಡಿದೆ.
