ಎಂಆರ್‌ಪಿಎಲ್‌ ನಿರ್ವಸಿತರ ದಲಿತ ಕಾಲನಿಗೆ ಅಭಯಚಂದ್ರ ಜೈನ್‌ ಭೇಟಿ

ಚೇಳಾçರು: ಮೂಲ್ಕಿ ಮೂಡಬಿದಿರೆ  ಕ್ಷೇತ್ರದ ಶಾಸಕ ಹಾಗೂ ಮಾಜಿ ಸಚಿವ ಕೆ. ಅಭಯಚಂದ್ರ ಜೈನ್‌ ಅವರು ಎಂಆರ್‌ಪಿಎಲ್‌ ನಿರ್ವಸಿತರ ದಲಿತ ಕಾಲನಿಗೆ ಇತ್ತೀಚೆಗೆ ಭೇಟಿ ನೀಡಿದರು. 

ಕಾಂಗ್ರೆಸ್‌ ಕಾರ್ಯಕರ್ತರಾಗಿದ್ದ ನೋಣಯ್ಯ ಅವರು ನಿಧನ ಹೊಂದಿರುವ ಹಿನ್ನೆಲೆಯಲ್ಲಿ ಅವರ ಮಕ್ಕಳಿಗೆ ಸಾಂತ್ವನ ಹೇಳಿದ  ಜೈನ್‌ ಅವರು ಧನ ಸಹಾಯ ನೀಡಿ ಮಗಳಿಗೆ ಉದ್ಯೋಗದ ಭರವಸೆಯನ್ನು  ನೀಡಿದರು. ಕಾಲನಿಯಲ್ಲಿ ಅಂಬೇಡ್ಕರ್‌ ಭವನದ ನಿರ್ಮಾಣಕ್ಕೆ 12 ಲಕ್ಷ ರೂ, ಮಳೆಯಿಂದ ಹಾನಿಗೀಡಾದ ಕೋಡªಬ್ಬು ದೈವಸ್ಥಾನದ ಆವರಣ ಗೋಡೆ ರಿಪೇರಿಗೆ 3 ಲಕ್ಷ ರೂ., ಚೇಳಾçರು ರುದ್ರಭೂಮಿಗೆ 3 ಲಕ್ಷ ರೂ ಅನುದಾನ ನೀಡಿದರು. ನಿರ್ವಸಿತರ ಕಾಲನಿಯ ಎಲ್ಲ ರಸ್ತೆಗಳನ್ನು ಮತ್ತು ಚರಂಡಿಗಳನ್ನು ಎಂಆರ್‌ಪಿಎಲ್‌ ಸಂಸ್ಥೆಯ ವತಿಯಿಂದ ದುರಸ್ತಿ ಮಾಡಲು ಅಧಿಕಾರಿಗಳೊಂದಿಗೆ ಮಾತುಕತೆ ನಡೆಸುವುದಾಗಿ ತಿಳಿಸಿದರು.

ಪಂಚಾಯತ್‌ ಸದಸ್ಯ ಕೆರೆಮನೆ ಶಂಕರ ಶೆಟ್ಟಿ, ಉಪಾಧ್ಯಕ್ಷೆ ಚಂದ್ರಾವತಿ, ಗ್ರಾ.ಪಂ. ಸದಸ್ಯ ರೋಶನ್‌ ಡಿ ಸೋಜಾ, ರಮೇಶ್‌ ಪೂಜಾರಿ ಚೇಳಾçರು, ದಯಾನಂದ ಶೆಟ್ಟಿ ಖಂಡಿಗೆಬೀಡು, ಹರಿಯಪ್ಪ ಚೇಳಾçರು, ಸುನೀಲ್‌ ಶೆಟ್ಟಿ, ಗಂಗಾಧರ ಪೂಜಾರಿ, ಲತಾ, ಜ್ಯೋತಿ, ಪುಷ್ಪಾ, ಯೋಗೀಶ್‌,   ಪಂಚಾಯತ್‌ ಅಭಿವೃದ್ಧಿ ಅಧಿಕಾರಿ ನಿತ್ಯಾನಂದ, ಗ್ರಾಮಕರಣಿಕರು ಉಪಸ್ಥಿತರಿದ್ದರು.