ಸಸ್ಪೆನ್ಸ್‌, ಪಯಣ, ಪ್ರೀತಿ, ದುಷ್ಟ ಶಕ್ತಿ, ದೈವ ಸಂಘರ್ಷದ ಕಥಾಹಂದರ ಒಳಗೊಂಡಿರುವ ಸ್ಪಿರಿಚುಯಲ್‌ ಡ್ರಾಮಾ ಮತ್ತು ಥ್ರಿಲ್ಲರ್‌ ಜಾನರ್‌ “ಆರ’ ಸಿನಿಮಾ ಇಂದು ತೆರೆ ಕಂಡಿದೆ.
ಈ ಚಿತ್ರವನ್ನು ಅಶ್ವಿ‌ನ್‌ ವಿಜಯಮೂರ್ತಿ ನಿರ್ದೇಶಿಸಿದ್ದಾರೆ. ಸಿನಿಮಾ, ಸಂಪೂರ್ಣ ಹೊಸ ಪ್ರತಿಭೆಗಳಿಂದ ಕೂಡಿದೆ. ರೋಹಿತ್‌ ಹಾಗೂ ದೀಪಿಕಾ ಆರಾಧ್ಯ “ಆರ’ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರದ ಕಥೆ, ಚಿತ್ರಕಥೆ, ಸಂಭಾಷಣೆಯನ್ನು ಚಿತ್ರದ ನಾಯಕ ರೋಹಿತ್‌ ಬರೆದಿದ್ದು, ಆನಂದ್‌ ನೀನಾಸಂ ಸತ್ಯ ರಾಜ್‌ ನಿಖೀಲ್‌ ಶ್ರೀಪಾದ್‌ ಪ್ರತೀಕ್‌ ಲೋಕೇಶ್‌ ಹಾಗೂ ಇನ್ನಿತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ನಾಯಕ ರೋಹಿತ್‌ ಕೂಡಾ ಈ ಸಿನಿಮಾ ಮೇಲೆ ನಿರೀಕ್ಷೆ ಇಟ್ಟಿದ್ದಾರೆ. ಒಂದು ಹೊಸ ಬಗೆಯ ಕಂಟೆಂಟ್‌ ಸಿನಿಮಾವಾಗಿ ಈ ಚಿತ್ರ ಪ್ರೇಕ್ಷಕರಿಗೆ ಇಷ್ಟವಾಗುವ ವಿಶ್ವಾಸ ಅವರಿಗಿದೆ. ಈ ಚಿತ್ರದ ಬಗ್ಗೆ ಮಾತನಾಡುವ ರೋಹಿತ್‌, “ಇದು ಆಧ್ಯಾತ್ಮ ಪ್ರಯಾಣ. ಚಿತ್ರಮಂದಿರದಲ್ಲಿ ಪ್ರೇಕ್ಷಕರಿಗೆ ಒಂದ ವಿಶೇಷ ಅನುಭವ
ಒದಗಿಸುವ ಸಿನಿಮಾ. ಈ ಚಿತ್ರದಲ್ಲಿ ನಾನು ನಟಿಸಿದ್ದು ಅನಿವಾರ್ಯವಾಗಿ. ಈ ಚಿತ್ರಕ್ಕಾಗಿ ಸಾಕಷ್ಟು ಶ್ರಮವಹಿಸಿ, ಎಲ್ಲಾ ವಿಭಾಗಗಳಲ್ಲೂ ತೊಡಗಿಕೊಂಡಿದ್ದೇನೆ. ಶ್ರಮಕ್ಕೆ ತಕ್ಕ ಫ‌ಲವನ್ನು ಪ್ರೇಕ್ಷಕ ನೀಡುತ್ತಾನೆ ಎಂಬ ವಿಶ್ವಾಸವಿದೆ’ ಎನ್ನುತ್ತಾರೆ.
ಚಿತ್ರದ ಬಗ್ಗೆ ಮಾತನಾಡುವ ನಿರ್ದೇಶಕ ಅಶ್ವಿ‌ನ್‌ ವಿಜಯಮೂರ್ತಿ ಮಾತನಾಡಿ, “ಒಬ್ಬ ಹುಡುಗನ ಜರ್ನಿಯನ್ನು ಇಲ್ಲಿ ಹೇಳಿದ್ದೇವೆ. ಆ ಜರ್ನಿಯಲ್ಲಿ ಅವನು ಆಧ್ಯಾತ್ಮಿಕವಾಗಿ ಯಾವ ರೀತಿ ಸವಾಲುಗಳನ್ನು ಎದುರಿಸುತ್ತಾನೆ. ಅದು ಯಾವುದೇ ಮುಖಾಂತರವಾಗಿಯಾದರೂ ಬರಬಹುದು. ಹೆಣ್ಣಿನ, ದುಡ್ಡಿನ, ಸಂಬಂಧಗಳ ಮೂಲಕವಾ ದರೂ ಬರಬಹುದು… ಸೇರಿದಂತೆ ಅನೇಕ ಅಂಶಗಳನ್ನು ಹೇಳಲಾಗಿದೆ’ ಎನ್ನುವುದು ನಿರ್ದೇಶಕರ ಮಾತು
