Advertisement
ಆ್ಯಡಮ್‌ ಕಾಫಮ್ ಎಂಬ ಈ ವಿದೇಶಿ ಸಾಹಿತಿ ಬರೆದಿರುವ ‘ಎ ವಿಲೇಜ್‌ ಇನ್‌ ಸೌತ್ ಇಂಡಿಯಾ’ ಪುಸ್ತಕ ಬಿಡುಗಡೆಗೆ ಸಿದ್ಧವಾಗಿದೆ. ಆ್ಯಡಮ್‌ ಕಾಫಮ್ ಅವರು ಮೂಲತಃ ಇಂಗ್ಲೆಂಡ್‌ನ‌ವರಾದರೂ ಕರಾವಳಿ, ಇಲ್ಲಿನ ಸಂಸ್ಕೃತಿ ಬಗ್ಗೆ ಅವರಿಗೆ ಒಲವು ಹೆಚ್ಚು. ಅನೇಕ ವರ್ಷಗಳ ಕಾಲ ಬಿಬಿಸಿ ವಾಹಿನಿಯಲ್ಲಿ ಡಾಕ್ಯುಮೆಂಟರಿ ಪ್ರೊಡ್ಯೂಸರ್‌ ಆಗಿದ್ದು, ತಮ್ಮ ನಿವೃತ್ತಿ ಜೀವನವನ್ನು ಕಳೆದಿದ್ದು ಕಡಲತಡಿಯಲ್ಲಿ. 2002ರ ಸುಮಾರಿಗೆ ಮಂಗಳೂರಿಗೆ ಬಂದ ಅವರು 9 ವರ್ಷ ಸುರತ್ಕಲ್‌ ಬಳಿಯ ಹೊಸಬೆಟ್ಟುವಿನಲ್ಲಿ ವಾಸವಾಗಿದ್ದರು.
ಆ್ಯಡಮ್‌ ಕಾಫಮ್ ಅವರು ಬರೆದಿರುವ ‘ಎ ವಿಲೇಜ್‌ ಇನ್‌ ಸೌತ್ ಇಂಡಿಯಾ’ ಪುಸ್ತಕದ ಹೆಚ್ಚಿನ ಭಾಗದಲ್ಲಿ ಕರಾವಳಿ ಕರ್ನಾಟಕದ ಬರಹವಿದೆ. ಈ ಪುಸ್ತಕ ಒಟ್ಟಾರೆ 100 ಪುಟಗಳಿದ್ದು, 14 ಅಧ್ಯಾಯವನ್ನು ಹೊಂದಿದೆ. ಕರಾವಳಿಯ ಭೂತರಾಧನೆ, ಕೋಳಿ ಅಂಕ, ಕಂಬಳ, ಜಾತ್ರೆ ಸೇರಿದಂತೆ ಸಂಸ್ಕೃತಿಯ ಚಿತ್ರಣವನ್ನು ಪುಸ್ತಕದಲ್ಲಿ ಭಿತ್ತರಿಸಿದ್ದಾರೆ. ಅದಲ್ಲದೆ, ನಾಟಿ ಕೊಯ್ಲು, ತೆಂಗಿನ ಕಾಯಿ ಕೊಯ್ಯುವುದು, ಅಡಕೆ ಕೊಯ್ಯುವುದು ಸೇರಿದಂತೆ ಇನ್ನಿತರ ವೃತ್ತಿಗಳು, ನವರಾತ್ರಿ, ದಸರಾ, ದೀಪಾವಳಿ ಸೇರಿದಂತೆ ಕರಾವಳಿಯಲ್ಲಿ ಹಬ್ಬಗಳ ಆಚರಣೆ ಬಗ್ಗೆ ವಿವರಣೆ ಕೂಡ ಪುಸ್ತಕದಲ್ಲಿ ಕಾಣಬಹುದಾಗಿದೆ. ಅಂದಹಾಗೆ, ಆ್ಯಡಮ್‌ ಕಾಫಮ್ ಅವರು ಆಯಾ ಸ್ಥಳಕ್ಕೆ ತೆರಳಿಯೇ ಮಾಹಿತಿ ಸಂಗ್ರಹಿಸಿ ಅಧ್ಯಯನ ನಡೆಸಿದ್ದರು. ಖ್ಯಾತ ಚಿತ್ರಕಲಾವಿದ ದಿನೇಶ್‌ ಹೊಳ್ಳ ರಚಿಸಿದ 24 ರೇಖಾಚಿತ್ರಗಳು ಈ ಕೃತಿಯಲ್ಲಿದೆ.
Related Articles
Advertisement
ಆ್ಯಡಮ್‌ ಅವರ 4ನೇ ಕೃತಿಆ್ಯಡಮ್ ಕಾಫಮ್ ಅವರು ಇಲ್ಲಿಯವರೆಗೆ ನಾಲ್ಕು ಕೃತಿ ಪ್ರಕಟಿಸಿದ್ದಾರೆ. ಈಗಾಗಲೇ ಭಾರತಕ್ಕೆ ಸಂಬಂಧಿತ ‘ಬಿವೇರ್‌ ಫಾಲಿಂಗ್‌ ಕೋಕನೆಟ್’ ಎಂಬ ಕೃತಿ ರಚನೆ ಮಾಡಿದ್ದು, ‘ಎ ವಿಲೇಜ್‌ ಇನ್‌ ಸೌತ್ ಇಂಡಿಯಾ’ ಅವರ ಎರಡನೇ ಭಾರತೀಯ ಕೃತಿಯಾಗಿದೆ. ಇನ್ನೊಂದು ಕೃತಿಗೆ ತಯಾರಿ
ಕರಾವಳಿಯ ಸಂಸ್ಕೃತಿ ನನಗೆ ಇಷ್ಟ. ಸದ್ಯ ದಲ್ಲಿಯೇ ಮತ್ತೂಂದು ಕೃತಿಗೆ ತಯಾರಾಗಲಿದ್ದೇನೆ. ಅದರಲ್ಲಿಯೂ ಭಾರತ ದೇಶದ ವಿಷಯವನ್ನಾಧಾರಿತ ಕೃತಿ ರಚನೆ ಮಾಡಬೇಕೆನ್ನುವುದು ನನ್ನ ಬಯಕೆ.
ಆ್ಯಡಮ್‌ ಕಾಫಮ್ ಸಾಹಿತಿ ಜ. 28ಕ್ಕೆ ಪುಸ್ತಕ ಬಿಡುಗಡೆ
ಆ್ಯಡಮ್‌ ಕಾಫಮ್ ಅವರ ‘ಎ ವಿಲೇಜ್‌ ಇನ್‌ ಸೌತ್ ಇಂಡಿಯಾ’ ಪುಸ್ತಕವು ಜ. 28ರಂದು ಇಂಗ್ಲೆಂಡ್‌ನ‌ಲ್ಲಿ ಬಿಡುಗಡೆಯಾಗಲಿದೆ. ಆ್ಯಡಮ್‌ ಅವರು ಸದ್ಯ ಮಂಗಳೂರಿನಲ್ಲಿ ವಾಸವಿರುವ ಕಾರಣದಿಂದಗಿ ಕಾರ್ಯಕ್ರಮದಲ್ಲಿ ಅವರು ಭಾಗವಹಿಸುತ್ತಿಲ್ಲ.