ಈಡನ್ನಿನ ಎಲ್ಲೆಲ್ಲೂ ಗುಲಾಬಿಯ ಹೊಳಪು

ಕೋಲ್ಕತದಲ್ಲೀಗ ಭಾರತ-ಬಾಂಗ್ಲಾ ನಡುವಿನ ಐತಿಹಾಸಿಕ ಹಗಲುರಾತ್ರಿ ಟೆಸ್ಟ್‌ ಪಂದ್ಯದ್ದೇ ಮಾತುಕಥೆ. ಇದೇ ಮೊದಲ ಬಾರಿಗೆ ಈ ಎರಡೂ ತಂಡಗಳು ಹಗಲು-ರಾತ್ರಿ ಮಾದರಿಗೆ ತಮ್ಮನ್ನು ಒಡ್ಡಿಕೊಂಡಿವೆ. ಹಗಲುರಾತ್ರಿ ಪಂದ್ಯಗಳು ಟೆಸ್ಟ್‌ ಕ್ರಿಕೆಟ್‌ನ ಸ್ವರೂಪವನ್ನೇ ಬದಲಾಯಿಸುತ್ತವೆ ಎಂಬ ನಂಬಿಕೆಯಿಂದ ಇಂತಹ ಪ್ರಯೋಗಗಳು ಶುರುವಾಗಿವೆ. ಈ ಪಂದ್ಯ ನಡೆಯುವುದು ಮಾಮೂಲಿ ಕೆಂಪು ಚೆಂಡಿನಲ್ಲಲ್ಲ, ಗುಲಾಬಿ ಬಣ್ಣದ ಚೆಂಡಿನಲ್ಲಿ. ಅದಕ್ಕಾಗಿ ಕೋಲ್ಕತದ ಈಡನ್‌ ಮೈದಾನವನ್ನು ಗುಲಾಬಿ ಬಣ್ಣದ ಬೆಳಕಿನಿಂದ ಶೃಂಗರಿಸಲಾಗಿದೆ. ಕೋಲ್ಕತದಲ್ಲಿ ಹಿಂದೆ ನಡೆದ ಐತಿಹಾಸಿಕ ಕ್ರಿಕೆಟ್‌ ಕ್ಷಣಗಳನ್ನು ಗುಲಾಬಿ ಬಣ್ಣದ ಬೆಳಕಿನಲ್ಲಿ ಕಾಣಿಸಿದ್ದು ಹೀಗೆ…