ಗಾಂಧೀಜಿಯ ಅಪರೂಪದ ಚಿತ್ರ 11ರಂದು ಹರಾಜು

ಲಂಡನ್‌: 1931ರಲ್ಲಿ ಮಹಾತ್ಮ ಗಾಂಧಿ ಅವರ ಬದುಕನ್ನು ಆಧರಿಸಿ ಬಿಡಿಸಲಾದ ಅಪ್ರಕಟಿತ ಪೆನ್ಸಿಲ್‌ ಕಲಾಕೃತಿಯೊಂದು ಲಂಡನ್‌ನ ಸೂತ್‌ಬೇ ಹರಾಜು ಕೇಂದ್ರದಲ್ಲಿ ಮುಂದಿನ ವಾರ ಹರಾಜಾಗಲಿದೆ. ಇದು ಸುಮಾರು 6ರಿಂದ 10 ಲಕ್ಷ ರೂ. ಗಳಿಗೆ ಹರಾಜಾಗುವ ಸಾಧ್ಯತೆಯಿದೆ.

ಜು.11ರಂದು ಹರಾಜಾ ಗಲಿರುವ ವಸ್ತುಗಳ ಪೈಕಿ ಮಹಾತ್ಮ ಗಾಂಧಿ ಅವರು ಸುಭಾಷ್‌ಚಂದ್ರ ಬೋಸ್‌ ಅವರ ಸಹೋದರ ಶರತ್‌ಚಂದ್ರ ಬೋಸ್‌ ಅವರಿಗೆ ಬರೆದ ಪತ್ರಗಳೂ ಇರಲಿವೆ. ಖ್ಯಾತ ಕಲಾವಿದ ಜಾನ್‌ ಹೆನ್ರಿ ಆ್ಯಮ್‌ಶೆವಿಟ್‌l ಅವರು 1931ರಲ್ಲಿ ದುಂಡು ಮೇಜಿನ ಸಭೆಯಲ್ಲಿ ಪಾಲ್ಗೊಳ್ಳಲೆಂದು ಗಾಂಧೀಜಿ ಬಂದಿದ್ದಾಗ ಈ ಕಲಾಕೃತಿ ಬಿಡಿಸಿದ್ದರು. ಗಾಂಧೀಜಿ ನೆಲದಲ್ಲೇ ಕುಳಿತು ಪುಸ್ತಕವೊಂದನ್ನು ಬರೆಯುತ್ತಿರುವಂತೆ, ಆ ಪುಸ್ತಕದಲ್ಲಿ “ಟ್ರಾತ್‌ ಈಸ್‌ ಗಾಡ್‌/ಎಂಕೆ ಗಾಂಧಿ/4,12, 31′ ಎಂದು ಬರೆದಿರುವಂತೆ ಈ ಚಿತ್ರವನ್ನು ಬಿಡಿಸಲಾಗಿದೆ.