ಡಯಾಪರ್‌ ಬೆಲೆ 20 ಪಟ್ಟು ಹೆಚ್ಚಳ; ಕಣ್ಣೀರಿಟ್ಟ ಮಹಿಳೆ

ಡಯಾಪರ್‌ಗಳ ಬೆಲೆ 20 ಪಟ್ಟು ಹೆಚ್ಚಾದ ಹಿನ್ನೆಲೆಯಲ್ಲಿ ತಮ್ಮ ಸಂಕಟವನ್ನು ತೋಡಿಕೊಂಡು ಅಮೆರಿಕದ ಲೌರೆನ್‌ ವಿಟ್ನಿ ಎಂಬ ಮಹಿಳೆ ಟಿಕ್‌ಟಾಕ್‌ ವೀಡಿಯೋ ಮಾಡಿ ಕಣ್ಣೀರಿಟ್ಟಿದ್ದಾಳೆ. ಇದಕ್ಕೆ ಹಲವರು ಸ್ಪಂದಿಸಿದ್ದಾರೆ. ಇಂಥ ಆತಂಕದ ಸಮಯದಲ್ಲಿ ಡಯಾಪರ್‌ನಂಥ ಅಗತ್ಯ ವಸ್ತುಗಳು ಸುಲಭದಲ್ಲಿ ದೊರಕಬೇಕಿತ್ತು. ಆದರೆ ಜನರು ಅದಕ್ಕಾಗಿ ಪರದಾಡುವಂತಾಗಿದೆ ಎಂದಿದ್ದಾರೆ.

‘ಡಯಾಪರ್‌ ಬೆಲೆ ಒಮ್ಮೆಲೇ 20 ಪಟ್ಟು ಹೆಚ್ಚಿಸಿದರೆ ನಾನು ಹೇಗೆ ನನ್ನ ಮಗುವಿಗೆ ಡಯಾಪರ್‌ ತೊಡಿಸಲಿ? ನಿಮ್ಮಿಂದ ಸಾಧ್ಯವೇ?’ ಎಂದು ಆ ಮಹಿಳೆ ಅಳುತ್ತಾ ಪ್ರಶ್ನಿಸಿರುವ ವೀಡಿಯೋ ವೈರಲ್‌ ಆಗಿದೆ. ಅಮೆರಿಕದ ಸೂಪರ್‌ ಮಾರ್ಕೆಟ್‌ಗಳಲ್ಲಿ ಜನರು ಅಗತ್ಯಕ್ಕಿಂತ ಹೆಚ್ಚು ಪ್ರಮಾಣದಲ್ಲಿ ದೈನಂದಿನ ವಸ್ತುಗಳನ್ನು ಕೊಳ್ಳುತ್ತಿರುವುದರಿಂದ ತೀವ್ರ ಅಭಾವ ಉಂಟಾಗಿದೆ.