ಹಳ್ಳದಲ್ಲಿ ಕೊಚ್ಚಿಹೋದ ವ್ಯಕ್ತಿ ನಾಪತ್ತೆ

ಪಾವಗಡ: ತಾಲ್ಲೂಕಿನ  ಪಳವಳ್ಳಿ ಬಳಿ  ಭಾನುವಾರ ಸಂಜೆ  5 ಗಂಟೆ  ಸಮಯದಲ್ಲಿ ವ್ಯಕ್ತಿಯೋರ್ವ  ಹಳ್ಳದಲ್ಲಿ  ಕೊಚ್ಚಿಕೊಂಡು ಹೋಗಿದ್ದಾರೆ.

ತಾಲ್ಲೂಕಿನ ಕೆಂಚಗಾನಹಳ್ಳಿಯ ಗಂಗಾಧರ(38) ನಾಪತ್ತೆಯಾದವರು. ಕೆಂಚಗಾನಹಳ್ಳಿಯಿಂದ ಪಳವಳ್ಳಿ ತಾಂಡ ಮೂಲಕ ಪಳವಳ್ಳಿ ಗ್ರಾಮಕ್ಕೆ ಕಾಲ್ನಡಿಗೆ ಮೂಲಕ ಬರುತ್ತಿದ್ದಾಗ ರಸ್ತೆಯಲ್ಲಿ ರಭಸವಾಗಿ ಹರಿಯುತ್ತಿದ್ದ ನೀರಿನ ಸೆಳೆತಕ್ಕೆ ಸಿಲುಕಿ ಕೊಚ್ಚಿಕೊಂಡು ಹೋಗಿದ್ದಾರೆ.

ವ್ಯಕ್ತಿಗಾಗಿ ಪಾವಗಡ ಅಗ್ನಿಶಾಮಕ ಸಿಬ್ಬಂದಿ ಶೋಧ ಕಾರ್ಯಾಚರಣೆ ಆರಂಭಿಸಿದ್ದಾರೆ.