ಟ್ರಾಫಿಕ್ ಪೊಲೀಸ್ ನನ್ನೇ ಬಾನೆಟ್‌ ಮೇಲೆ ಎಳೆದೊಯ್ದ ಕಾರು ಚಾಲಕ! ವಿಡಿಯೋ ವೈರಲ್

ನವದೆಹಲಿ: ರಾಷ್ಟ್ರ ರಾಜಧಾನಿಯ ನಂಗೋಲಿ ಎಂಬಲ್ಲಿ ಕಾರು ಚಾಲಕ ಸಂಚಾರ ಪೊಲೀಸ್‌ ಸಿಬ್ಬಂದಿಯೊಬ್ಬರನ್ನು ಕಾರ್‌ನ ಬಾನೆಟ್‌ ಮೇಲೆ ಹಾಕಿಕೊಂಡು ಅರ್ಧ ಕಿಮೀವರೆಗೆ ಕಾರು ಚಲಾಯಿಸಿದ್ದಾನೆ. ಸಂಚಾರ ಪೊಲೀಸ್‌ ಸಿಬ್ಬಂದಿ ದಾಖಲೆಗಳನ್ನು ಪರಿಶೀಲಿಸುವ ನಿಟ್ಟಿನಲ್ಲಿ ಕಾರನ್ನು ತಡೆಯಲು ಮುಂದಾದರು. ಆಗ ಗಲಿಬಿಲಿಗೊಂಡ ಚಾಲಕ, ಸೂಚನೆ ಲೆಕ್ಕಿಸದೆ ಮುಂದಕ್ಕೆ ಚಲಾಯಿಸಿದ್ದಾನೆ. ಈ ಸಂದರ್ಭದಲ್ಲಿ ವಾಹನವನ್ನು ತಡೆಯಲು ಕಾನ್‌ಸ್ಟೆàಬಲ್‌ ಸುನಿಲ್‌ ಎಂಬುವರು ಮುಂದಕ್ಕೆ ಹಾರಿದರು. ಈ ಸಂದರ್ಭದಲ್ಲಿ ಅವರು ಬಾನೆಟ್‌ ಮೇಲೆ ಬಿದ್ದರು. ಆದರೂ ಕಾರು ನಿಲ್ಲಿಸದ ಚಾಲಕ, ಅವರನ್ನು ಬಾನೆಟ್‌ ಮೇಲೆ ಇರಿಸಿಕೊಂಡು ಅರ್ಧ ಕಿಮೀ ಸಂಚರಿಸಿದ್ದಾನೆ. ಕೆಲ ಮೂಲದ ಪ್ರಕಾರ ಇದು ನವೆಂಬರ್‌ನಲ್ಲಿ ಉಂಟಾಗಿರುವ ಬೆಳವಣಿಗೆ. ಆದರೆ ವಿಡಿಯೋ ಈಗ ವೈರಲ್‌ ಆಗಿದೆ.