ರಾಮ ಮಂದಿರಕ್ಕೆ  ಕೇಂದ್ರ ಸಚಿವರಿಂದ ನಿಧಿ ಸಂಗ್ರಹ

ಧಾರವಾಡ: ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣಕ್ಕಾಗಿ ನಿಧಿ ಸಮರ್ಪಣಾ ಅಭಿಯಾನದಲ್ಲಿ ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ ಅವರು ಪಾಲ್ಗೊಂಡು ನಿಧಿ ಸಂಗ್ರಹಿಸಿದರು.

ನಗರದಲ್ಲಿ ವಿವಿಧ ಗಣ್ಯರನ್ನು ಭೇಟಿಯಾಗಿ ನಿಧಿ ಸಂಗ್ರಹಿಸಿದ ಸಚಿವರಿಗೆ, ಕ್ರಿಶ್ಚಿಯನ್‌ ಸಮುದಾಯದ ಸ್ಟೀವ್‌ ಅಬ್ರಹಾಂ 1 ಲಕ್ಷ ರೂ. ಚೆಕ್‌, ರಾಜ್ಯ ನೌಕರ ಸಂಘದ ಅಧ್ಯಕ್ಷ ಬಸವರಾಜ ಗುರಿಕಾರ 1 ಲಕ್ಷ ರೂ., ಮಧುಸೂಧನ ಕುಲಕರ್ಣಿ 50000 ರೂ., ರವಿ ದೇಶಪಾಂಡೆ 50000 ರೂ. ಚೆಕ್‌ ಹಸ್ತಾಂತರಿಸಿದರು. ಈ ವೇಳೆ   ಮಾತನಾಡಿದ ಸಚಿವ ಜೋಶಿ, ಶ್ರೀ ರಾಮ ಭಾರತದ ಅಸ್ಮಿತೆ. ಎಲ್ಲಾ ಧರ್ಮದ ಜನ ಒಗ್ಗೂಡಿ ಭವ್ಯವಾದ ಮಂದಿರ ನಿರ್ಮಾಣ ಮಾಡಬೇಕು. ಎಲ್ಲಾ ಜನತೆ ಈ ಭವ್ಯ ಮಂದಿರ ನಿರ್ಮಾಣಕ್ಕೆ ಕೈಜೋಡಿಸಬೇಕು ಎಂದರು.

ಇದನ್ನೂ ಓದಿ:ವರ್ಷದಲ್ಲಿ ಏಕಸ್‌-ಯುಕ್ಲೆಸ್‌ ಕೈಗಾರಿಕೆ ಕಾರ್ಯಾರಂಭ: ಶೆಟ್ಟರ್

ಶಾಸಕರಾದ ಅರವಿಂದ ಬೆಲ್ಲದ, ಅಮೃತ ದೇಸಾಯಿ, ಡಾ|ಎಸ್‌.ಆರ್‌. ರಾಮನಗೌಡರ, ಈರೇಶ ಅಂಚಟಗೇರಿ, ಪೂರ್ಣಾ ಪಾಟೀಲ, ವಿಜಯಾನಂದ ಶೆಟ್ಟಿ, ಸಿ.ಎಸ್‌.ಪಾಟೀಲ, ನೌಕರ ಸಂಘದ ಜಿಲ್ಲಾಧ್ಯಕ್ಷ ಸಿದ್ದನಗೌಡ್ರು, ತವಣಪ್ಪ ಅಷ್ಟಗಿ ಇದ್ದರು