Sultan of Johor Cup ಹಾಕಿ: ಭಾರತ ಗೆಲುವಿನ ಆರಂಭ

ಜೊಹೊರ್‌ (ಮಲೇಷ್ಯಾ): ಸುಲ್ತಾನ್‌ ಆಫ್ ಜೊಹೊರ್‌ ಕಪ್‌ ಜೂನಿಯರ್‌ (ಅಂಡರ್‌-21) ಹಾಕಿ ಪಂದ್ಯಾ ವಳಿಯಲ್ಲಿ ಭಾರತ ಗೆಲುವಿನ ಆರಂಭ ಪಡೆದಿದೆ. ಮೊದಲ ಪಂದ್ಯದಲ್ಲಿ ಜಪಾನ್‌ಗೆ 4-2 ಗೋಲುಗಳ ಸೋಲುಣಿಸಿದೆ.

ಇದರೊಂದಿಗೆ ಪಿ.ಆರ್‌. ಶ್ರೀಜೇಶ್‌ ಅವರ ಕೋಚಿಂಗ್‌ಗೂ ಶುಭಾರಂಭ ಲಭಿಸಿದಂತಾಯಿತು. ಪ್ಯಾರಿಸ್‌ ಒಲಿಂಪಿಕ್ಸ್‌ ನಲ್ಲಿ ಭಾರತಕ್ಕೆ ಕಂಚಿನ ಪದಕ ಒಲಿದ ಕೂಡಲೇ ಗೋಲ್‌ಕೀಪರ್‌ ಶ್ರೀಜೇಶ್‌ ನಿವೃತ್ತಿ ಘೋಷಿಸಿದ್ದರು. ಬಳಿಕ ಅವರಿಗೆ “ಹಾಕಿ ಇಂಡಿಯಾ’ ಜೂನಿಯರ್‌ ತಂಡದ ತರಬೇತುದಾರನ ಹುದ್ದೆಯನ್ನು ನೀಡಿತ್ತು.