Goa; ಒಂದು ಡಜನ್‌ ದೇಸಿ ಮಂಕುರಾಡ್‌ ಮಾವಿನ ಬೆಲೆ 7000 ರೂ.!

ಪಣಜಿ: ಗೋವಾದ ದೇಸಿ ಮಾವಿನಹಣ್ಣಿನ ತಳಿಯಾದ ಮಂಕುರಾಡ್‌ ಮಾವಿನಹಣ್ಣುಗಳು ಪಣಜಿ ಮಾರುಕಟ್ಟೆಯಲ್ಲಿ ದಾಖಲೆಯ ಬೆಲೆಗೆ ಮಾರಾಟವಾಗುತ್ತಿದೆ. ಒಂದು ಡಜನ್‌ ಮಂಕುರಾಡ್‌ ಮಾವಿನಹಣ್ಣಿನ ಬೆಲೆ 7,000 ರೂ. ಇದೆ. ಕಳೆದ ವರ್ಷ ಇದೇ ಋತುವಿನಲ್ಲಿ ಡಜನ್‌ಗೆ 6 ಸಾವಿರ ರೂ. ವರೆಗೆ ಮಾರಾಟವಾಗಿತ್ತು. ಸಾಮಾನ್ಯವಾಗಿ ಬೇಸಿಗೆ ಆರಂಭದಲ್ಲಿ ಈ ತಳಿಯ ಮಾವಿನಹಣ್ಣು ಮಾರುಕಟ್ಟೆಗೆ ಬರುತ್ತಿತ್ತು. ಆದರೆ ಈ ವರ್ಷ ಕೊಂಚ ಬೇಗನೇ ಬಂದಿದೆ. “ಸೀಮಿತ ಪ್ರಮಾಣದಲ್ಲಿ ಚಳಿಗಾಲದಲ್ಲೇ ಮಂಕುರಾಡ್‌ ಮಾವಿನಹಣ್ಣುಗಳು ಮಾರುಕಟ್ಟೆಗೆ ಬಂದಿರುವುದರಿಂದ ಬೇಡಿಕೆ ಹೆಚ್ಚಾಗಿದೆ ಎಂದು ವ್ಯಾಪಾರಿಗಳು ತಿಳಿಸಿದ್ದಾರೆ.