ಚಾಟಿಬಿಲ್ಲಿನಿಂದ ಅಪಹರಣ ತಪ್ಪಿಸಿದ ಬಾಲಕ

ವಾಷಿಂಗ್ಟನ್‌: ಅಮೆರಿಕದ ಮಿಚಿಗನ್‌ ರಾಜ್ಯದ 13 ವರ್ಷದ ಬಾಲಕನೊಬ್ಬ ಚಾಟಿ ಬಿಲ್ಲಿನ ಸಹಾಯದಿಂದ ತನ್ನ ಸಹೋದರಿಯ ಅಪಹರಣತಪ್ಪಿಸಿದ್ದು, ಆತನ ಸಮಯಪ್ರಜೆ`ಗೆ ಭಾರೀ ಪ್ರಶಂಸೆ ವ್ಯಕ್ತವಾಗಿದೆ. ಅಲ್ಪೆನಾ ಎಂಬ ನಗರದಲ್ಲಿ 17 ವರ್ಷದ ಯುವಕನೊಬ್ಬ 8 ವರ್ಷದ ಬಾಲಕಿಯನ್ನು ಅಪಹರಿಸಲು ಪ್ರಯತ್ನಿಸಿದ್ದಾನೆ. ಮಗು ಹಿತ್ತಲಿನಲ್ಲಿ ಆಟವಾಡುತ್ತಿದ್ದ ವೇಳೆ ಆಕೆಯ ಬಾಯಿಮುಚ್ಚಿ ಎಳೆದುಕೊಂಡು ಹೋಗಲು ಪ್ರಯತ್ನಿಸಿದ್ದಾನೆ. ಇದೇ ಸಮಯಕ್ಕೆ ಬಾಲಕಿಯ ಸಹೋದರ 13 ವರ್ಷದ ಬಾಲಕ, ತನ್ನ ಚಾಟಿ ಬಿಲ್ಲಿನಿಂದ ಅಪಹರಣಕೋರನ ತಲೆಗೆ ಕಲ್ಲುತೂರಿ ತಂಗಿಯನ್ನು ಬಚಾವ್‌ ಮಾಡಿದ್ದಾನೆ.